La Usc di Ladins

Se à serà su ence la sajon da d’istà per i impianc portamont. La sozietèdes ades se tol l temp de fora de sajon per fèr i lurieres de mantegniment o de renovament per esser endò vertesc per la Conzeta.

I impianc laora ben se l é bel temp ajache la jent no va sa mont se l é snigolà, pievia o freit. Chest istà l à fat n bon jugn, ma l meis de messèl no l é stat proprio bel con n muie de dis da pievia, aost e setember à portà amò de bela giornèdes.

La sajon per l raion de Ciampac se sera su con n bilanz positif: l é stat registrà n smaorament de passa l 3% de passajes respet al 2024, che rua a +24% se se la met a confront col 2023.

Ence la sozietà de impianc portamont Bufaure sera su la sajon da d’istà con passa l 3% de più de passajes respet al 2024 e +20% respet al 2022 che conferma l aprijiament semper maor de chest raion che ogne an sporc zeche da nef per la families.

Manco ben la é jita per la SITC che, descheche ne à confermà l president Daniele Dezulian, à padì per la mencianza del impiant de Rodela.

Dut l articol su La Usc nr 38 de en vender ai 3 de otober del 2025  (Monica Cigolla)