La Usc di Ladins

L era dut scur: tinsom Cianacei, sun Col da ronch, se vedea lumenèr. L era la net de Nadèl del 1957 e l era crepà fora fech te cèsa de Beta de Bufol, Elisabetta Costa. Zeche fotografies de Tita de Megna, fra de Beta e giaf de Giordano che l ne les à dates adimprest, les ne dèsc ocajion de recordèr chest fat, proprio dant da Nadèl.

Te chela cèsa stajea ence Marta de Martin, maridèda con Poldo, fi de Beta. Bruno Ghetta, sie fra, l se recorda de chel fat: »Ere a messa de Maitin, cajù ja Sèn Jan, - l conta - da mesanot desche duc. Endana messa i à tacà a jir inant e endò, i era vegnui a chiamar zachei, é sentù che i dijea che l era fech ta Cianacei. Son jit ite ence gio: i pompieres da Vich i aea n motocarro Guzzi con su na motopompa. Canche i é rué su, de cater/cinch che i era, no l era più trop da far. Bon che la ciasa la era soula, se no l aessa ciapà dute le ciase entorn«.

De più su La Usc stampèda nr 50 de en mercol ai 25 de dezember del 2025.  (Nicoletta Riz)