La Usc di Ladins

Sabeda passada dadasera l Comun da Col l à organizà na presentazion per la jent del paisc del studio de fatibilità de n nuof proget per fà su n albergo a zinch stele sun Giao ulà che ades l é l vege Hotel Enrosadira, o meo ce che n resta darè ester stat arbandonà per agn e vandalizà dai descreanzai che à pensà ben de jì daite per pestà su dut chel che i ciatava. Darè a sto progeto l é na società de russi, che à afidà l laor de svilupà sta idea a n cugnessù studio de architeti de Parigi, Wilmotte & Associés, che l laora per ristruturà e comedà palazi e hotiei de lusso n giro per l mondo: l progeto che l é vignù fora l pervede de ció via l piazal asfaltà in or de strada che l é ades, demolì l fabricat e sgrandà la cubatura totale dei edifici da 2.500 metri cubi a 24.500.

(l articol intier podaré l ciatà su la USc de vender ai 5 de marz)

Martino Pezzei