La Usc di Ladins

Juoba 29 de fauré n gran toch de crëpa l s’a destaché e l é tomé su la strada che porta sa Larcionei. Per na bona i sasc, un n particolar proprio gran, i s’a fermé su la comunal e no i é brodolei ju de sto ulache passa la strada regional 203 Agordina che ven da Ciaurì su. L fat l é suzedù ntánt che no passáva deguna machina e chëst a evité spò ence che valgugn se feje mel o dagn a le machine. Ma la grana cuantité de sasc tomei ju i a encoé deldut la strada tánt che no n eva poscibile passé con degun meśo. Coscita la frazion l’é restada ijolada fin che sul luoch no n é rué le oure con i meśi de Comun che bele davántmesdì via i ava delibéré la caregiada davò aveu spaché su l sass plù gross. (LS)

De plu tla edizion stampeda de La Usc di Ladins o sun l e-paper a paiament www.lausc.it/e-paper