La Usc di Ladins

Da envalgune setemane, davoche l é sté fat dute le cherte per l pasagio de proprieté, l'autosciala comprada dai coleghi badioc da La Vila l'é n plena dispojizion dei studafuoch volontari da Fodom. E nte puoc dis i é bele stei clamei a la douré nte doi intervenc: un n Egort per n cuartier che a ciapé fuoch e un a Falcade gauja l vent che a outé su le bánde del tët del Istitut Alberghier. Na dimostrazion de coche chëst meso, che i volontari fodomi no n a mei bu e che con grana vijion de la realté del teritorio i no s'a perdù l'ocajion de podei avei n dotazion, l siebe de gran utol, no demè per la val da Fodom. Nte chël spirito de colaborazion che animeia l operat dei studafuoch. N'on descorëst col Capo Distacament da Fodom Ciro Palla, che l n'a conté dute le dificolté per rué a chëst risultat, souradut a gauja de la burocrazia che trope oute se mët deméz ence cánche la se trata de ntervegnì sul ciámp.

De plu tla edizion stampeda de La Usc di Ladins o sun l e-paper a paiament www.lausc.it/e-paper