L jurnalist y espert dla Elpes Georg Bayerle, che lëura dal 1999 dal Bayerischer Rundfunk, à scrit n liber, te chël che l conta coche la Elpes vën sfrutedes l plu che la va dal pont de ududa economich. Na situazion che ne possa nia jì inant nscila y perchël ti la cumëtel a duc, che l ie ëura de mudé velch. Tl liber "Der Alpen Appell" cóntel de coche la cëla ora al didancuei tla Elpes y de coche la cuntreda se à mudà tres l tlima ma nce tres i ntervënc dla persones. La montes ie belau deventedes coche n "lunapark" y l autëur se damanda sce i seniëures y chi che vën tlo da nëus a se goder i crëps à propi debujën de chël. Ala fin dl liber féjel nce vel' pruposta de coche n pudëssa salvé la Elpes.
La sëira a Urtijëi cun Georg Bayerle ie unida metuda a jì dala Lia per Natura y Usanzes n cunlaurazion cun l "Heimatpflegeverband" dl Sudtirol. Tla sala dl Circolo iel n vënderdi dl'ena passeda ruvà adalerch n bel tlap de persones nteressedes al argumënt.
EK
L articul va inant tla edizion nueva de La Usc di Ladins de duman vënderdi ai 24 de dezëmber.
L'Elpes chërda aiut
L jurnalist tudësch Georg Bayerle, che ie da cësa tl'Elpes, à prejentà n vënderdi dl'ena passeda a Urtijëi si liber nuef "Der Alpen Appell: ciuldì che la montes ne dëssa nia deventé n parch dala ventures"
Galaria retrac
View the embedded image gallery online at:
https://www.lausc.it/valedes-ladines/gherdeina/30946-l-elpes-cherda-aiut#sigProId0640cf2cf7
https://www.lausc.it/valedes-ladines/gherdeina/30946-l-elpes-cherda-aiut#sigProId0640cf2cf7
