La Usc di Ladins

L assessor a la mendranzes linguistiches de la Region Trentin Sudtirol Luca Guglielmi l lo aea anunzià a la radunanza del Istitut Cultural Ladin Majon di fascegn e ades l é ruà la conferma. La Jonta regionèla l’à aproà n finanziament da 1,4 milions de euro per la seconda pèrt di lurieres de ressanament de Ciasa Costazza, frabricat dal gran valor storich e simbolich per Fascia e per duta la comunanza ladina. La strutura, che la é te mez l paisc de Mazin, l é la senta veiora del Vicarie del Piscop de Persenon, olache l era ence la perjon de Fascia.
»Son stolz de fèr a saer che la Jonta regionèla, aldò de mia proponeta, l’à aproà n auter finanziament te Fascia per chel che revèrda i frabicac de emportanza per la cultura ladina – l à dit l assessor regionèl a la mendranzes linguistiches Luca Guglielmi – rejonon de Ciasa Costazza te comun de Mazin, una de la pruma cèses te val duta de mur, ma soraldut lech de emportanza storica percheche l é stat ence cèsa del vicarie del Piscop de Persenon.

Se pel lejer dut su La Usc nr 48 dai 12 de dezember, che se pel troèr ence te la boteighes de sfoes. Sul sit se per fèr l abonament al e-paper per aer azes vigni vender a dut l sfoi sul fonin, tablet o computer.