La Usc di Ladins

Se à serà su ai 6 de dezember con l gran conzert al Teatro Nuovo Giovanni de Udin la 11^ edizion de Suns Europe, l festival de la èrts tel lengaz de mendranza che vegn endrezà ogne an da la Cooperativa Informazione Friulana, editora de Radio Onde Furlane, con l sostegn de la Region Autonoma Friuli-Venezia Giulia, del ARLeF (Agjenzie regjonâl pe lenghe furlane), de la Fondazion Friul, di Comuns de Udin e Codroipo e la colaborazion de sacotenc partner publics e privac, locai e internazionèi (dal Istitut Basch Etxepare al Wales Arts International, dal Faroe Music Export a l’Ambasciata e Consolat Generèl del Regn di Paijes Basc). Su la gran paladina internazionèla se à tout fora de anter na ousc de rèra eleganza e douceza, chela de la catalana Lia Sampai. L é ela defat, con sie grop, la venjidora de chesta edizion del concors musical Suns Europe.

Se pel lejer dut su La Usc nr 48 dai 12 de dezember, che se pel troèr ence te la boteighes de sfoes. Sul sit se per fèr l abonament al e-paper per aer azes vigni vender a dut l sfoi sul fonin, tablet o computer.


 (Monica Cigolla)