La Usc di Ladins

Truep atlec y atletes dla categuries “super baby”, “baby”, “cuccioli”, “mutons y mutans” y “aliefs y alieves” fova al start. Per duc fòvel la prima garejeda de chësta sajon y perchël fòvel da udëi che i ova legrëza y ueia de se musré, ma che i fova nce mpue nervëusc.
Per ti jì ancontra ai mëndri y ai majeri atlec à i urganisadëures metù su doi trasses, una plu curta y mpue plu saurida per i pitli y una plu ria per i “mutons” y “aliefs”. La prima pert fova per duc plutosc ërta y la jiva de se cunzentré, de ataché y de azeché la drëta linia. Tl plan jìvela de sté ju y de lascé jì i schi. De gra ala bona preparazion dl purtoi y ala trassa metuda ju a na drëta maniera ova duc la medema cundizions. L ie perchël segur stat na garejeda dut ntëur iusta.

Per l Schi Club Gherdëina, Petra Perathoner

L articul va inant tla edizion nueva de La Usc di Ladins de duman vënderdi ai 24 de dezëmber.