La Usc di Ladins

Dotours
Dutor Gherdëina
L dutor de servisc da n sada ai 06.12. dala 08:00 daduman nchin la 08:00 daduman de n dumënia ai 07.12. ie l dutor Giuliano Piccoliori de S. Cri­stina, tel. 0471 792282 o 348 3301004. Ai 07.12. sarà la duturëssa Janine Santifaller de servisc tl ambulature dla dr.ssa Cordula Weber a Urti­jëi, streda Trebinger 10, tel. 377/3132223. N l di dl’ Ima­culeda, ai 08.12. ie l dutor Pa­blo Policastro de servisc, tl ambulatuere di dutores Kostner/Weber, a Urtijëi tla streda Trebinger 10, tel. 366 3646 254.
Doturs Val Badia
Tla fin dl’edema lungia dai 6 ai 8 de dezëmber él en sorvisc ti comuns de Badia, La Val y Corvara la doturia Jasmine Gabrieli, La Ila, tel. 371 7515275. Ti comuns de Mareo y San Martin él en sorvisc la doturia Margarete Mahlknecht, La Val, tel. 349 0667034 o 0474 523018.

Apoteches
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 05.12. nchin n vënderdi ai 12.12. ie chëla de Sëlva, tel. 0471/795142 o 333/1776615, (davierta dala 8.30–12.30)
Apoteca Val Badia
L’apoteca en sorvisc fora dl orar ordinar, dal vëndres ai 5 de dezëmber dales 19:00 al vëndres ai 12 de dezëmber ales 19:00, é chëra da Corvara, tel. 0471 830237.

Sozial
Atualmenter
Portel de scout mediazion familia
L Comun General de Fascia con ALFID Onlus à avert n portel de scout, orientament e mediazion familiara per la relazions te cèsa. L é avert a duc e debant a Sèn Jan te Stra­­da di Pré de Lejia 12 su apun­tament tras l secretariat ALFID (0461 235008 – 375 8366271) duc i dis con orarie 8:30-12:30 e 14:00-18:00 o teras mail a sportellocgf.alfid@gmail.com.
Atualmënter
»Club Boé«
Le grup de autoaiüt »Club Boé« por problems de alcol o d’atres dependënzes s’incunta vigni mertesc dales 20:00, tla Ciasa di Stüdafüch a La Ila altaite. Les porsones de refe­ri­mënt é Hubert (tel. 339 169 8343) y Methilde (tel. 335 6977604).
Atualmënter
Ciamena dal guant a La Ila
La Ciamena dal guant por mituns »Neores« a La Ila é daverta vigni vëndres dales 14:00 ales 15:30, te local sura i stödafüch a La Ila Alta.
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani a se nuzé de chësc servisc che vën pità uni merdi dala 12:00 (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant da mesdì, cherdan su: per Urtijëi l 3207234396 (Vinzenz), per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).
05.12.
Deberieda: Festa de San Miculau
La grupa »Deberieda«, na grupa per se ancunté danter per­sones che à problems psi­chics o de sozialisazion cun ulenteres, nvieia ala festa de San Miculau, n vënderdi ai 5.12. dala 14:00. N se anconta dan la Cësa de Paussa a Urtijëi.

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni du­mënia dala 18:30 sun Alto Adige Tv; repliches nce online.
09.12.
Sport Ladin
Dales 20:50. Test y regia Diego Clara, produziun Zak, a cura de Leo Senoner.
10.12.
Cult – Santa Luzia y la delibana
Dales 20:50 ca. Test y regia Giulia Tasser, produziun Kar­bonvideo, a cura de Alessan­dro Dapunt.
11.12.
Nosta scola
Dales 20:50 ca. Test y regia Le­na Mulser, produziun Kar­bonvideo, a cura de Alessan­dro Dapunt.

Radio
07.12.
Cunzert n unëur de Stefan Demetz de Sulé
Ai 10 de dezëmber dl 1925, dan avisa 100 ani fova nasciù Stefan Demetz sun l luech de Sulé a Urtijëi y ntan chësta tras­miscion ulons lecurdé si persona y si atività tl ciamp dla mujiga y dla cul­tura ladina. Per lecurdé i 100 ani da si na­­sciuda vëniel metù a jì n cunzert ulache l cianterà y su­nerà truep cores, furma­zions y nce solistes. La cianta­rina Erika Mussner y l diri­ghënt Pauli Senoner prejënta l pro­gram dl cunzert y nes con­ta velch sun la gran arpejon musichela y cultu­­rela che bera Stefan nes á lascià. Trasmiscion de Georg Mussner.

Sport
Atualmënter
ITF Women Val Gardena Südtirol Raiffeisen
L turnoi nternaziunel dl’ëiles cun na montdepesć de 40.000 $ jirà inant nchin ai 6 de dezëmber, tl zënter dal tennis te Sëlva.
06.12.
HC Gherdëina vs. EC Bregenzerwald
Tl stadio Pranives de Sëlva saràl ai 6 de dezëmber dala 20:30 la partida dl campiunat AHL (Alps Hockey League) danter l HC Gherdëina y l EC Bregenzerwald.

Avisc
Atualmenter
Oraries CRM e CRZ Pera
Dai 3 de november l CRM de Pera l é avert per la desgorta del refudam de cèsa e consentì de lunesc, mercol e vender da les 13:30 a les 17:25 e de mèrtesc, jebia e sabeda da les 8:00 a les 11:55. La utenzes convenzionèdes col Comun General per l CRZ pel ite demò su prenotazion col formulèr. Info al 0462 764500, ambiente@cgf.tn.it e su www.fassambiente.it
Atualmënter
Picolin: portina por assistënza y cura
La Portina por l’assistënza y cura é daverta trëi iadi al’ede­ma: le lönesc dales 14:00 ales 16:00, le mercui y la jöbia dales 10:00 ales 12:00. Tel. 0474 586123 tratan chisc orars. La Portina é tl Raiun soziosanitar a Picolin, tl’alzada a tera sön la man ciampa. Al vëgn chiló tut sö dötes les chestiuns por ci che reverda le guern dles porsones.
Atualmënter
»Ëres dëida Ëres«
L’ofize a Bornech é da ciafé tla str. Paul von Sternbach nr. 6. Al é davert dal lönesc al vëndres dales 8:30 ales 11:30, le mercui ince dales 15:00 ales 17:00. info@frauen helfen frauenbruneck.it
05.12.
Rua Sèn Nicolò sun Sort
Desche da tradizion la vea de Sèn Nicolò, ai 5 de dezember da les 18:00, rua l Sènt dai bec sun Sort compagnà dai Angioi e i Pèstres del Bandin de Moena con de bie dons per duc i più picoi. Iscrizions te Coprativa de Moena al 0462-573142.
06.12.
Sègra de Sèn Nicolò
En sabeda ai 6 de dezember l é sègra de Sèn Nicolò a Poza. Da les 10:00 ponta via la defilèda da la gejiola de Sèn Nicolò, h. 10:30 messa grana, h.12:30 marena te tendon, h. 15:30 spetacol de jogoleria de Circensema, h. 17:00 rua Sèn Nicolò, h. 18:00 conzert de la Musega de Poza, h. 19:30 musega con i Alpen Boys.
11.12
N nef liber de Alberta Rossi
En jebia ai 11 de dezember, tel di internazionèl de la mont, da les 17:30 te la libreria Ca­pitolo 3 de Pardac la scrito­ra fascèna Alberta Rossi pre­jenta sie nef liber de conties dal titol »Stella e la Regina delle Dolo­miti« coi dessegnes de Gianluca Damiano.

Temp Lede
Atualmener
Maitin: marcià da Nadèl a Cianacei
Dai 5 ai 8 de dezember, dai 12 ai 14 e dai 19 ai 4 de jené tel Parch de Cianacei vegn endrezà »Maitin«, l marcià da Nadèl con ciasetes de legn, jeghes per i più picoi, musega e magia de la festes.
Atualmener
N don de Pepites a Vich
Ai 5, 6 e 7 de dezember e da­pò ence ai 12, 13 e 14, en­dèna l picol marcià da Nadal de Vich, Katiuscia e Carlotta de Aurona Ores Jewels ve envia da les 17:00 a les 19:00 a veder sia Pepites, picola semenzes de or e porzelana biencia realisèdes tel Kreides Atelier, te Strèda Rezia 44 a Vich.
Atualmenter
Nadèl sui festii a Vich
Fin ai 6 de jené sui festii del paisc de Vich e de sia frazions se pel veder la cripeles endre­zèdes dai gropes, la sociazions e i sentadins de paisc che ne mena te l’astmosfera del Nadèl.
Atualmenter
Marcià da Nadèl a Moena
Fin ai 5 de jené te la doi piazes de Moena se pel jir veder 17 ciasetes de legn de boteghieres e produtores che met fora si prodoc da Nadèl. Anché, vender ai 5 da les 15:00 a les 18:30, dai 6 ai 8 de dezember da les 11:00 a les 18:30.
Atualmenter
Picol, bon e bel a Vich
Te piaz de Vich e tedant Ciasa Marmolada se pel veder la ciasetes de legn del picola marcià da Nadèl con ogne sort de prodoc per la festes. Ai 5 e 6 de dezember da les 15:30 a les 18:30, ai 7 da les 10:00 a les 12:00.
Atualmënter
Nadel Urtijëi: Juech y devertimënt per mëndri:es
Pra la utia dedicheda ai mën­dri sun la pitla plaza de S. An­­tone a Urtijëi saràl uni vën­derdi y dumënia sëira, dala 17:00 nchin la 18:00, n pru­gram aurela curta: ai 7.12. uniràl fat pan sun bachët, ai 12.12. vëniel pastelnà chertes da Nadel y ai 14.12. puderàn scrì na lëtra a Gejù Bambin.
Atualmënter
Marcià da Nadel a Urtijëi
Ai 5 de dezëmber sarà i stonc gastronomichs davierc dala 16:00–20:00. Da n sada ai 6 de dezëmber nchin ai 4 de jené ie i stonc sun marcià davierc dala 16:00–19:00 y chëi gastro­nomics dala 11:00–20:00. Ai 8.12. gëura i stonc di bute­ghieres bele dala 11:00.
Atualmënter
La Val slomina tla nöt
A La Val vëgnel daurí vigni de dales 17:00 na finestra de n calënder d’Advënt particolar, pro na ciasa tl zënter. Chëstes sará da odëi cina ai 6 de jená. Dai 5 ai 7 de dezëmber pón ince storje pro da sëra a se bëre val’ de cialt, sön plaza de Comun.
Atualmënter
Marcé da Nadé a Corvara
Le marcé da Nadé a Corvara deura dai 5 ai 8 y spo dai 12 ai 14 de dezëmber, dales 16:00 ales 19:00. Pro deplü üties ciafon boandes cialdes y ince produc de artejanat local. Ai 5.12. dales 18:00 inant sona le cuintet »Herum«, y ai 7.12. él le DJ y produtur musical Gianluca D’Angelo.
Atualmënter
Marcià da Nadel te Sëlva
L marcià da Nadel sun plaza Nives te Sëlva sarà daviert uni fin dl ena y dai 20 de dezëmber inant uni dì. Orar de giaurida: 15:00–19:00.
05.12.
San Miculau te Gherdëina
Ncuei, 5 de dezëmber, per­nanche l vën scur, jirà San Miculau tres la plazes di luesc de Gherdëina, cun si angiuli y l fant. A Urtijëi dala 16:00 tl raion da jì a pe, a S. Cristina dala 16:00 sun plaza de Che­mun y te Sëlva dala 16:30 sun plaza de dlieja.
05. y 06.12.
San Micurá tl’Alta Badia
San Micurá vëgn ince chësc ann a ciafé i mituns de plü paisc dl’Alta Badia. Ai 5.12. dales 18:00 a San Ciascian; ai 6.12. dales 17:00 a La Val y a La Ila pro paiun dlungia calonia y dales 17:30 a Cal­fosch, sön plaza de dlijia.
06.12.
San Micurá a Al Plan
En sabeda ai 6 de dezëmber dales 17:00 él San Micurá che vëgn a ciafé i mituns, sön le marcé d’Advënt a Al Plan. Al sará val’ de cialt da bëre, val’ da sgolosé y de pices sor­preses por i mëndri.
06.12.
»Adöm te plaza« tl’Alta Badia
Ai 6 de dezëmber vëgnel metü a jí a La Val, La Ila, San Cia­scian y Calfosch apuntamënc de »Adöm te plaza«, cun val’ de cialt da bëre y musiga dal ví. A La Val sona dales 19:00 inant Christian y René cun i orghi da man, a La Ila dales 17:00 le »Trio di Corgn da Munt Sassongher«, a San Ciascian dales 16:00 la Musiga dl paisc y a Calfosch dales 16:30 le grup »Pippi’s friends«.
06.12.
La Ila: Opening party invern
En sabeda ai 6 de dezëmber vëgnel festejé la daurida dla sajun da d’invern, tl Gran Risa Chalet jödapé dla Gran Risa. Dales 16:30 inant vëgnel pre­senté le Ski Team Alta Badia; dedô musiga cun i DJ de Ö3 y ala fin DJ Luca Perso.
6/7/8.12.
Marcià da Nadèl a Ciampedel
Ai 6, 7 e 8 de dezember da les 15:00 a les 19:00 aur l picol marcià da Nadèl te piaz de Ciampedel con la ciasetes de legn e i prodoc de la festes.
06.12.
Marcià da Nadel di artejans
La Lia per Natura y Usanzes mët a jì n marcià da Nadel di artejans n sada ai 6 de dezëm­ber dala 9:00 inant nchin ala 18:00, tl foyer dla »Gran Sala« tla Cësa di Cungresc a Urtijëi.
06.–08.12
Marcià da Nadel dla »Locia«
La berstot prutejeda »Locia« de Urtijëi nvieia a si marcià da Nadel tl self dl Circolo – Lia Mostra d’Ert, dai 6 de dezëm­ber nchin ai 8 de dezëmber. Orar: 10:00–12:30 y dala 16:00 - 19:30.
10.12.
Cun e-bike y rodes da agüs söla nëi
La Scora de schi da Calfosch mët a jí vigni mercui na escur­jiun de »snowbiking«, cun la e-bike y rodes da agüs söla nëi. An pëia ia dales 10:30 da Calfosch y an fej na roda cina al’Armentarola a San Ciascian. Prenotaziuns pro la Scora de schi da Calfosch, anter le de denant.
12.12.
Storia de 15 menuc
Tla biblioteca de S. Durich a Urtijëi liej Erica dant na storia da Nadel per mutons y mutans, ai 12 de dezëmber dala 15:00. Daldò vëniel mo pastelnà.
14.12.
Recital da Nadal
En domenia ai 14 de dezember te teater del oratorie de Poza da les 15:15 n bel grop de picoi e gregn artis? de la comu­nanza parochiala porta dant l recital da Nadal dal titol »Cicatrice«. Entrada a oferta ledia.

Mostres y Ert
Atualmënter
Mostra tl Café Surëdl
L’esposizion dl Fotoclub Gher­dëina n con’ di »25 ani Café Surëdl – ntegrazion tl mond dl lëur« va inant mo nchin ala fin dl ann.
Atualmënter
Mostra de criples
Tla Cësa di Cungresc a Urtijëi uniràl metù ora de plu criples de Gherdëina ntan l tëmp da Nadel. La espusizion sarà da udëi nchin ai 06.01., uni di dala 10:00 nchin la 19:00.
06.–08.12.
Mostra de cripeles a Mantëna Todëscia
La Uniun dles Cripeles Man­tëna Todëscia/San Laurënz inviëia ala mostra de cripeles tla Ciasa dles Uniuns a Man­tëna Todëscia, dai 6.12. ai 8.12. Orars: ai 6. y 7.12. dales 10:00 ales 17:00; ai 8.12. dales 10:00 ales 16:00.

Mujiga
06.12.
Conzert del Cor Enrosadira
En sabeda ai 6 de dezember da les 17:00 te Piaz de Ramon sotite l èlber de Nadèl l Cor Enrosadira de Moena porta dant n conzert de Avent.
06.12.
Schlernblech – Meludies da Nadel te Sëlva
La grupa de strumënc a fla »Schlernblech« sunerà sun l Marcià da Nadel de Sëlva ai 6 de dezëmber dala 17:00 nchin la 18:00.
06.12.
Cor di ëi – Meludies da Nadel a Urtijëi
L cor di ëi de Urtijëi cianterà sun l Marcià da Nadel tl zënter de Urtijëi ai 6 de dezëmber dala 11:00 nchin la 12:00.
06.12.
Mattia Demetz – Meludies da Nadel a Urtijëi
Mattia Demetz sunerà de bela meludies sun si armonica: ai 6 de dezëmber dala 17:00 nchin la 18:00 sun plaza Stetteneck a Urtijëi.
07.12.
Conzert de la Musega Auta Fascia
En domenia ai 7 de dezember da les 17:30 la Musega Auta Fascia va en defilèda da piaz de Comun fin al parch dai je­­ghes olache la sonarà te anter la ciasetes del marcià da Nadèl.
07.12.
Mountain Christmas: l sona i corni da mont de Sëlva
La grupa de corni da mont de Sëlva sunerà sun l plaza Nives ai 7 de dezëmber dala 17:30 nchin la 18:00.
07.12.
Meludies d’Avënt cun »I Rujins«
»I Rujins« cianterà tl zënter de Urtijëi, n dumënia ai 7 de dezëmber dala 11:00 inant.
08.12.
Nadel te Sëlva: Meludies d’Avënt cun »i Rujins«
»I Rujins« cianterà sun plaza Nives n lunesc ai 8 de dezëm­ber dala 17:00 inant.
12.12.
Nadel Urtijëi: l sona la Mujiga di Jëuni Gherdëina
La Mujiga di Jëuni Gherdëina sunerà ai 12.12 dala 17:00 sun plaza Stetteneck a Urtijëi.
13.12.
Cunzert de Avënt dla grupa »Kraxn Weisenbläser«
La grupa »Kraxn Weisen­bläser« sunerà de bela meludies da Nadel, n sada ai 13 de de­­­zëmber dala 17:00 inant sun plaza Nives te Sëlva.
13.12.
Nadel Urtijëi: Cor di Mutons
Tl zënter de Urtijëi puderàn scuté su de bela cianties dl Cor di Mutons de Urtijëi, n sada ai 13 de dezëmber dala 11:00 inant.
14.12.
Nadel Urtijëi: meludies da Nadel cun i Hosianna
La grupa Hosianna cianterà sun l marcià da Nadel a Urtijëi ai 14 de dezëmber dala 17:00.
14.12.
Al Plan: conzert y na storia da Nadé particolara
Le Cor Mosaic Singers & Players inviëia al conzert da Nadé »NADÉ, Ein Wort - Viele Empfindun­gen«, en domënia ai 14 de dezëmber dales 18:00 te dlijia d’Al Plan. I podëis s’la incon­forté a na storia da Nadé particolara abelida cun cian­ties y melodies che cheriëia na atmosfera plajora y da sté saurí.
27.12-03.01
Nadèl vindò la coltrines
L Cor Valfassa e i Bontemponi met dant »Natale dietro le quinte« l mister del Nadèl tra­vers imagines, conties e cian­ties: en sabeda ai 27 de dezem­ber te gejia de Cianacei da les 21:00 e en sabeda ai 3 de jené da les 21:00 te gejia de Soraga.

Referac
11.12.
L senificat culturel dla lijëndes dla Dolomites
Tl Tublà da Nives cunterà Susy Rottonara dla stories, de simboi y tradizions che cara­teriseia l raion dolomitich, n juebia ai 11 de dezëmber dala 18:00.

Teater
05/12.12.
La sajon teatrala de Fiem
Insnet, vender ai 5 de dezem­ber, per la sajon teatrala de Fiem, da les 20:45 te teater de Tieser l é la compagnia Ariateatro con l toch ‘Dopo la pioggia’; en vender ai 12 de dezember l é la compagnia Le Radiose con »On Air!«
07.12.
Mountain Christmas – ti dé vita ala cripl da Nadel
La Lia Teater de Sëlva dajerà vita ala cripl da Nadel ntan na reprejentazion cun guanc storics sun plaza Nives te Sëlva, ai 7 de dezëmber dala 17:00–18:00.

Chino
Atualmenter
Al chino de Tieser
Doman, sabeda ai 6 de dezem­ber da les 17:00 en 3D l é »Zootropolis« che vegn moscià ence en domenia ai 7 da les 15:15 e da les 20:30 en 3D; sabeda da les 21:00 enveze l é »Attitudini: nessuna« e do­menia ai 7 da les 18:00 l é »Tutto quello che non ti ho detto«; lunesc ai 8 da les 17:00 l é »Zootropolis« e da les 20:30 l é »Attitudini: nessuna«, en jebia ai 11 da les 21:00 l é »Un semplice incidente«.

Cursc
12.12.
Cursc de paslunch
La scora de paslunch da San Ciascian mët a jí cursc de pas­lunch por scolars dla elementara y mesana. Al vëgn fat grups de skating, classich y prinzipianc. I mituns podará ince porvé fora le biathlon. Le curs mët man en vëndres ai 12 de dezëmber dales 14:00, tl zënter de paslunch a San Ciascian. Indöt 10 iadi, vigni vëndres 14:00 – 16:00. Iscri­ziuns online sön https://scuola fondo.it/cursmituns

Publizistica
09.12.
La luna gelëusa
L Istitut Ladin Micurà de Rü, deberieda cun la biblioteca Oswald von Wolkenstein y la Lia Teater Sëlva, nvieia ala prejentazion dl liber per mu­tons »La luna gelëusa« sarà n merdi ai 9 de dezëmber dala 16:15 tla biblioteca de Sëlva. L unirà fat nce n pez de teater y l sunerà i mutons:ans dla Scola de Mujiga Gherdëina.
16.12.
Prejentazion liber
Tla biblioteca de S. Durich a Urtijëi prejenteia l’autëura Renate Pichler si liber »Fritz das Eichhörnchen. Ein kleiner Lausbub wird erwachsen«, cun ilustrazions de Evi Gasser. Daldò dessënia Evi zeche cun i mutons. La prejentazion ie dala 17:00 y ie penseda per mudons dai cater ani insù.