La Usc di Ladins

Ai 27 de jené dl 1956 ova fat iruzion te duta l’Europa Zentrela y nchinamei nchin japé dla Talia aria frëida dala Scandinavia y plu avisa dala Svezia y dala Finlandia ju. La temperatures se ova arbassà dassënn nce tlo da nëus. Cun puecia nëif tumeda ti mënsc dant, dlaciova la cundutures dal’ega che ne fova nia sotes assé te tiera. Sambën che de nuet, ma nce via per l di, messòven lascé jì n fil d’ega te cësa per ne avëi daduman nia dut dlacià.
L fova ntlëuta nce l tëmp dla Olimpiades de Cortina. Puecia jënt da tlo fova jita a ti cialé, propi pervia dl frëit. Per fertuna dajovi tres la garejedes de schi alpin tla televijion n direta sun Rai 1, per l prim iede tla Talia.

Josef Mussner

L articul tla edizion atuela de La Usc di Ladins.