La Usc di Ladins

Nce chëst ann ons metù a jì na jita per nosc ulenteres y on pudù passé n beliscimo di deberieda, plën de de bela ntraunides, de mprescions nteressantes y de cumpania. 

Dala 8 da sëira se àl ancuntà de ndut 22 persones tl bar San Durich, ulache on scumencià bel plan l di cun café, croissants y pitli crafonc. Daldò sons furnei cun la curiera tres Laion nchin a Tluses. Da iló inant iesen jic deberieda a pe de viers dl cunvënt de Jevun. Iló nes aspitova bele l pater Kosmas, che nes à saludà de cuer deberieda cun si cian. 
Da canche la munighes se n ie jites tl 2021 viv ël da sëul cun si cian tl cunvënt coche pastor. Ël nes à cuntà velch de nteressant n con' dla storia dl cunvënt da canche l fova nasciù nchin ncueicundì y nes à fat fé na raida. I locai dl cunvënt ne n'on nia vijità, ajache chisc reprejentea l cuatier persunel dla surans y n ulan inant respeté si privacy.

Deplù dla jita cun vel' blòta fotografia pudëis liejer tla edizion nueva de La Usc che vën ora n vënderdi ai 6 de nuvëmber.