Cun l’aziun di Trëi Résc vëgnel sostigní ann por ann incër 100 proiec de solidarieté sura döt le monn, danter l’ater tl’Africa, tl’Asia y tl’America dl Süd. Un di proiec che vëgn sostignis tl 2020 é chël a bëgn de na scora a Puerto Murialdo tl raiun dl’Amazonia tl Ecuador. La scora adora aiüt por fá pormez deplü classes nöies y ince ressané le frabicat atual che é en malester. Implü vëgnel daidé por cumpré libri y materiai didatics por na scora speziala por mituns con bojëgns particolars, tl cité de Tena. I "Résc" che vá fora por les ciases scrí sön porta le messaje "20 – C+M+B – 20", che ó dí "Christus mansionem benedicat" - Crist benedësces chësta ciasa.
Na presentaziun di proiec prinzipai che vëgn sostignis pón ciafé sot a chësc link: https://www.jungschar.it/vorstellprojekt/ (pablo)
I Résc indó sön tru
Chisc dis sará indó sön tru te Südtirol incër 5.000 mitans y mituns, che vá fora por les ciases a incundé la buna noela de Nadé, sot le motto "Aiüt sot na buna stëra".
Galaria retrac
View the embedded image gallery online at:
https://www.lausc.it/valedes-ladines/val-badia/11606-i-resc-indo-soen-tru#sigProIdd626e12407
https://www.lausc.it/valedes-ladines/val-badia/11606-i-resc-indo-soen-tru#sigProIdd626e12407