La Usc di Ladins

Al é jënt che á ion i "autovelox" o "speed checks", ajache chësta categoria de jënt vá instëssa plan cun l’auto, o ne vá daldöt nia cun i auti y vá spo a pe söi marciapisc. Al é indere ince autisć y camionisć che é daldöt cuntra i "autovelox", ajache chisc comparësc tres plü y plü y indlunch y smendrësc la liberté da se möie lediamënter cun auti y motors. De fat viunse te na epoca olache al é dërt y prioritar da stravardé chi che vá a pe, la "belle époque" olache n auto valô deplü co na porsona pé passá. Ince chi che rovënn n auto o n motor sá aldedaincö che ai á na mascinn tla man, che pó fá bun so sorvisc primar da jí y porté da n post al ater, mo ince baldi avëi la funziun da fá gní la pel de iarina drucan söl pedal dl gas. Val’ é sigü y neutral: i "pro" y "contra" i controi rigorusc sön strada se sfrogorëia sö al plü tert canche al suzed desgrazies y jënt á spo por vites da patí les conseguënzes. Porchël á vigni autist n dërt tles mans cun le volann, y ince na responsabilité – mo chësc messass pö vigni porsona cun na patent te gofa savëi...

Liéde do deplü tla ediziun stampada de La Usc di Ladins!