Cun les lîtes comunales de setëmber 2020 él ma gnü un n ombolt nü tla Val Badia: ara se trata dl ombolt de Mareo Felix Ploner da La Pli. Al á messü brancé do l’aministraziun te n tëmp dër particolar: de un n vers le coronavirus che condizionëia la vita personala, soziala, economica y ince aministrativa; spo la lege urbanistica nöia che se damana dai comuns bindebó de sforz; y nia inultima ciamó emergënzes dl rî tëmp che á metü ala proa cis l’aministraziun de Mareo, danter viles zënza forza eletrica y lovines che raitâ prigorosamënter dlungia les ciases jö. Inscioma: sü pröms cin’ mëisc de mandat é stá valgamia movimentá.
Nos un orü fá cun Ploner n pice bilanz de chisc pröms mëisc: i ti un damané de ci vers che le coronavirus tira sotissura le bilanz y l’ativité de Comun y ci che al arata che Mareo á cotan de caji positifs. Lapró ti unse damané deplü sön valgügn proiec importanc, sciöche l’internet asvelt, la plaza da Rina o le garasc tl zënter d’Al Plan. Nia inultima unse orü savëi ci che na buna aministraziun ó dí por ël.
La intervista cun l’Ombolt de Mareo ciafëise t’La Usc di Ladins di 26 de forá (pablo)
Cin’ mëisc movimentá
Felix Ploner é gnü ombolt de Mareo te n tëmp movimenté, danter coronavirus, tesć de massa, lege urbanistica nöia y emergënzes meteo
Galaria retrac
View the embedded image gallery online at:
https://www.lausc.it/valedes-ladines/val-badia/14959-cin-meisc-movimenta#sigProId7e1d91fbef
https://www.lausc.it/valedes-ladines/val-badia/14959-cin-meisc-movimenta#sigProId7e1d91fbef