La Usc di Ladins

Por le miscionar combonian siur Stefano Trevisan d’Al Plan vëgnel le momënt da jí tles misciuns. Do la ordinaziun ai 28 de jügn 2020, la mëssa noela ai 5 de messé y na preparaziun tl’Irlanda, vëgnera sëgn da s’arjigné por jí tl’Africa. Chësta sabeda ai 10 d’aurí dales 18:00 él tla dlijia de Sant Ojöp Freinademetz a Milland (sënta dla comunité provinziala di combonians), la mëssa olache siur Stefano ciafará dal vësco Ivo Muser la crusc miscionara y insciö le mandat da jí tles misciuns. La funziun gnará abelida da n pice grup de ciantarins sot la direziun de Clara Salttler. La mëssa gnará ince trasmetüda sön le canal Youtube de Radio Grüne Welle.  (pablo)