La Usc di Ladins

De nöt temperatöres frëides y ia por le de sorëdl y n cil ble – chësc é l’invern da en chësc ann cina sëgn. "Da San Bosćian l’invern mët man" (20 de jená) é n vedl dit popolar, che á albü rajun ince dan otedé y á porté vënt frësch da Nord. Te chësc invern él tomé cina sëgn tla Val Badia trëi iadi na bela nëi, che n’á fat por fortüna degügn de gragn danns y é restada a posserí y sö alalt bela podora. Tles Dolomites él indere plülere massa pücia nëi por ponsé a de beles escursciuns cun i schi dales pels. De chësc vers án incherscimun por l’ann passé, zënza é chësta anada ma bela, plajora y ince 'daverta' por jí tla natöra y ince cun i schi sön les pistes.  (Iaco Rigo)