La Usc di Ladins

Ince chësc ann vál debojëgn da stlü plü iadi le toch dla strada dla Val Badia da Longega (punt da Rina) cina a Picolin, por laurs da mëte en segurté la strada. Les prömes dates che la strada vëgn stlüta é da chësta sabeda ai 25 d’aurí adora da doman cina ala domënia ai 26 d’aurí incër les 6 da sëra. La strada é stlüta por döt le trafich, sides de de che ince de nöt. I mesi sot a 3,5 tonelades á la poscibilité da passé tres Rina y Antermëia. Le trasport publich de linia ciafará na mudaziun temporana dl percurs, sciöche al ê bele gnü fat te de te ocajiuns tl passé – scrí la Provinzia te n comunicat. I laurs é gnüs programá y vëgn conzentrá sön la fin dl’edema, por limité le plü che ara vá les dificoltés de mobilité por chi che laora.  (pablo)