La Usc di Ladins

Dotours
Dutor Gherdëina
La duturëssa de servisc da n sada ai 18.04. dala 08:00 da­duman nchin la 08:00 dadu­man de n lunesc ai 20.04. ie la duturëssa Janine Santi­faller, che ie da urté tl ambula­ture dla dr.ssa Cordula Weber a Urtijëi, streda Trebinger 10, tel. 377/3132223.
Doturs Val Badia
Le dotur en sorvisc tla Val Ba­dia, tla fin dl’edema di 18 y 19 d’aurí, é le dr. Alberto Ca­retta, Badia, tel. 0471 839 706 o 380 3161999.

Apoteches
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 17.04. nchin n vënderdi ai 24.04. ie chëla de Sëuc, tel. 0471/708970 (orar de giaurida lu-ve 8.30-12.30/15.00-19.00, sada 8.30/12.30. Turnus: 9.00-12.00).
Apoteca Val Badia
L’apoteca en sorvisc fora dl orar ordinar, dal vëndres ai 17 de aurí dales 19:00 al vëndres ai 24 de aurí ales 19:00, é chëra d’Al Plan, tel. 0474 501240.

Sport
Atualmënter
Curs de sauté
I Gherdëina Runners mët a jì n curs cun l alenadëur Diego Soppelsa. L curs sun l ciamp dal sport Mulin da Coi, jirà inant uni juebia dala 19:00 per dut l instà. Duc ie de cuer nviei, nce tei che scumëncia permò.
18.04.
Finela: HC Gherdëina vs. HC Maran
Tl stadio Pranives de Sëlva saràl ai 18 de auril dala 19:30 l cuarto juech dla fineles dl campiunat AHL (Alps Hockey League) danter l HC Gher­dëina y l HC Maran.

Mostres y Ert
Atualmënter
Sas che devënta
Tla galaria Vijion a Puntives iel metù ora na mostra coletiva dedicheda a opres d’ert fates cun sas y tl sas, che resterà da udëi nchin ai 5 de mei. Orar: lun – sad dala 16:00–19:00, o cherdan su l 338 2098697. I artisć che mët ora ie Markus Gasser, Flavio Se­noner, Bruno Vallazza, Otto Piazza, Arianna Moroder, Thaddäus Salcher y Michael Höllrigl.
Atualmënter
Mostra »Bal di Culëures«
Tl Café Surëdl a Urtijëi iel metù ora chedri de Lara Kostner. L’esposizion va inant nchin ai 13 de juni.
Atualmënter
Deventé crëscer amé
Tla Cësa de Chemun de Laion iel da udëi na mostra de Guido Senoner Tinderla, che resterà davierta nchin ai 15 de mei, dal lunesc al vënderdi dala 8:00–12:00 y la juebies nce dala 16:00 nchin la 18:30. Duc ie nviei de cuer.
Atualmënter
Nadia y Klaus Rungger tla Galerie 90
L dessëni anconta la poejia – tla galeria Galerie 90 a Mühl­bach prejënta Klaus Rungger dessënies nueves daujin a poejies de Nadia Rungger. La mostra ie tl se­gondo partimënt dla cësa Wolkensteinerhaus tla streda Katharina Lanz 90 y ie da udëi nchin ai 25.04..

Iadi y Jites
25.04. - 29.04.
Viac al’Ijula d’Elba
L KVW de Sëlva mët a jì chësta jita per mparé a cunë­scer la bela Ijula d’Elba y scuvierjer la bela cuntreda y si cultura. L viac cun trëi mëina­jites unirà fat dai 25 - 29 de auril. Nfurmazions plu avisa pòssen giapé pra Rudolf Mussner al 335 638 0973.

Avisc
Atualmënter
»Diggy-Treff« ancuntedes digiteles
Ëis’a dumandes n con’ de co fé dumanda per l SPID, de co desćiarie na app o n refert de n labor? Ëis’a deficulteies cun prugrams o cun la nstala­zion de na software? Tulëde pea vosc njins tecnics y unide tla biblioteca de Sëlva. N juebia ai 23 de auril dala 18:00–21:00 sarà l espert Wer­ner Messner iló a ve judé. L servisc unirà pità nce ai 30.04 y ai 07, 14 y 21 de mei. L servisc ie debant.
Atualmënter
Picolin: portina por assistënza y cura
La Portina por l’assistënza y cura é daverta trëi iadi al’ede­ma: le lönesc dales 14:00 ales 16:00, le mercui y la jöbia dales 10:00 ales 12:00. Tel. 0474 586123 tratan chisc orars. La Portina é tl Raiun soziosanitar a Picolin, tl’alzada a tera sön la man ciampa. Al vëgn chiló tut sö dötes les chestiuns por ci che reverda le guern dles porsones.
Atualmënter
»Ëres dëida Ëres«
L’ofize a Bornech é da ciafé tla str. Paul von Sternbach nr. 6. Al é davert dal lönesc al vëndres dales 8:30 ales 11:30, le mercui ince dales 15:00 ales 17:00. info@frauen helfenfrauenbruneck.it
Atualmënter
Iniziativa di ëi de Puster
L’ofize dla MIP–Männer­ini­tiative Pustertal dëida i ëi y peri pro caji de separaziun y pîta aiüt te situaziuns de di­fi­colté. L’ofize é tla str. Dan­te 2m a Bornech (Stern­hof) y é davert lönesc y mercui dales 14:00 ales 19:00, le vëndres dales 8:00 ales 12:00. Contac: 0474 555848, 340 189 6431 o info@mip-puster tal.it
Uni mierculdi
Ciaculon online – per ladin
La Union di Ladins de Gher­dëina mët a jì »Ciaculon on­line« per chi che scumëncia y chi che ulëssa miuré si ladin: dai 25 de fauré, uni mierculdi dala 18:00–19:00. Duc possa fé pea, l basta nstalé l prugram »TEAMS« sun l computer y jì ite sot a chësc link: https://url-shortener.me/GIBM
09-04
Troes de cultura a Moena
Va inant a Moena la rassegna de la Biblioteca ‘Troes/Sen­tieri’ dedichèda a storia, scri­tura e sozietà. En jebia ai 30 de oril da les 17:00 te Sala Rovisi letures dal terzo liber de Armando Vadagnini »Con­versazioni di storia trentina. Da letterato a storico«, dai egn Sessanta ai egn Otanta travers esperienzes e recorc del storich da Moena.
17-04
Film »Ariaferma« te Oratorie
L assessorat a la cultura de Sèn Jan e la Sociazion ‘Liberi da dentro’ met dant la seconda scontrèda per vardar daite te la prejons e te noi enstesc. Te Oratorie de Poza da les 20:30 insnet, vender 17 de oril con ‘Ariaferma’ se rejonarà de la situazion te la prejons; ultim apuntament ai 8 de mé.
18-04
Cena e testimonianza de Sofia tel Per
L Grop Miscionarie Freina­demetz-Mato Grosso ve envia en sabeda ai 18 de oril a na cena solidala te oratorie de Poza da les 19:00. Podaron spartir n piat a la bona e scut‑r la testimonianza de Sofia La­stei, joena giusta ru‑da da n temp de volontariat con l’Ope­razione Mato Grosso tel Per. Se pel tor p‑rt zenza prenot‑r, con oferta che jir a la miscion.

Chino
Atualmenter
Al chino de Tieser
Insnet, vender ai 17 de oril da les 21:00 l é »Hamnet–Nel nome del figlio«, sabeda 18 da les 17:15 e domenia 19 da les 17:15 l é »Super Mario Galaxy«, jebia 23 da les 21:00 per la rassegna ‘Il piacere del cinema’ l é »L’invisibile filo rosso’ con la partezipazion del regist Alessandro Benci­venga.
Atualmënter
Literachino
Ntan l mëns de auril, for de vënderdi dala 20:00, vëniel mustrà de biei films tla biblio­teca de San Durich a Urtijëi. L proscimo apuntamënt ie n vënderdi ai 17 de auril (y pona inò ai 24 de auril). L prugram plu avisa ie da abiné te biblio­teca.
18.04.
Chino per mutons
L VKE nvieia mutons y mu­tans dla scola elementera al chino per mutons: n sada ai 18 de auril dala 17:00 tla sala de Chemun a S. Cristina.
30.04.
Al chino per fèr comunanza
I Assessorac a la cultura di Comuns de Sèn Jan e de Cia­nacei, en colaborazion con la sociazion Kino, à endrezà na rassegna de set film per set jebies semper da les 20:30. L terzo apuntament é en jebia ai 30 de oril col film »L’ospite inatteso« del 2007 che conta de migrazion, desfidenza e enconter anter cultures.

Mujiga
18.04.
Conzert de la Musega Auta Fascia
En sabeda ai 18 de oril da les 20:45 al Kino de Cianacei la Musega Auta Fascia porta dant sie conzert d’Aisciuda.
18.04.
Cunzert dl’urchestra de archëc »Arcana«
Tla Cësa di Cungresc de Urtijëi puderàn scuté su n bel cunzert dl’urchestra de archëc »Arcana«, n sada ai 18 de auril dala 19:30 inant.
19.04.
»Kassiansmesse« tl Dom de Persenon
N la dumënia dl »Kassians­sonntag«, ai 19 de auril, cian­terà y sunerà duc i cores de dlie­ja y urchestra de Gher­dëina, Runcadic, Laion y S.Piere la Santa Mëssa tl Dom de Persenon. L unirà purtà dant la mëssa de Karl Nuss­baumer. L sarà na sëira de mu­jiga suneda cun pec de Schu­bert, Haydn, Bach y autri, cun solisć de Gherdëina dal corn, flaut, vidula, tlarinet, posauna, oboe y erpa.
24-25.04.
A La Grenz l jazz de Rita Marcotulli
En vender ai 24 de oril da les 21:00 a La Grenz, strada Sas­lonch 56 a Moena, la pianista jazz Rita Marcotulli con cinch joegn talenc del panoram jazz nazionèl porta dant l projet »Under 29 but me«. Entrèda debant con tessera ARCI. En sabeda 25 te la medema senta da les 18:30 radunanza anuala de la sociazion.

Publizistica
20.04.
Presentaziun dl liber de siur Tone Fiung
En lönesc ai 20 d’aurí dales 19:30 él tl salf dles manifesta­ziuns da La Val la presentaziun dl liber nü de siur Tone Fiung, dal titul »und wir mittendrin - wie Eltern Nähe, Liebe und Verbundenheit als Paar be­wahren«.

Sozial
Atualmenter
Portel de scout mediazion familia
L Comun General de Fascia con ALFID Onlus avert n portel de scout, orientament e mediazion familiara per la relazions te c‑sa. L avert a duc e debant a S‑n Jan te Stra­­da di Pr de Lejia 12 su apunta­ment tras l secretariat ALFID (0461 235008 – 375 8366271) duc i dis con orarie 8:30-12:30 e 14:00-18:00 o teras mail a sportellocgf.alfid@gmail.com.
Atualmënter
»Club Boé«
Le grup de autoaiüt »Club Boé« por problems de alcol o d’atres dependënzes s’incunta vigni mertesc dales 20:00, tla Ciasa di Stüdafüch a La Ila altaite. Les porsones de refe­rimënt é Hubert (tel. 339 169 8343) y Methilde (tel. 335 6977604).
Atualmënter
Ciamena dal guant a La Ila
La Ciamena dal guant por mituns »Neores« a La Ila é daverta vigni vëndres dales 14:00 ales 15:30, te local sura i stödafüch a La Ila Alta.
Atualmënter
Family Support
L servisc Family Support pie­ta sustëni ala families jëu­nes. Tl prim ann de vita dl:a pop:a pòssen se damandé n aiut da pert dla ulenteres, che vën a cësa per n valgun’ëura al’ena a fé vel’ stroz, cialé di mu­tons:ans o judé ulache l ie de­bujën. L servisc ie debant y duc possa s’l damandé. Per nfurmazions pòssen scrì a gherdeina@family-support.it
Atualmënter
Lia de sustëni tl duel y crisa
Lia de sustëni tl duel y crisa ti juda ala persona nstëssa y la families te situazions de duel. L vën damandà na cuota anuela de 50 euro. Per nfur­mazions de sustëni pòssen tò su cuntat cun: Trauer- & Krisennetzwerk Südtirol VFG–info@trauernetzwerk-suedtirol.com, 379 1170488.
Atualmënter
Majon dal guant a Urtijëi
La Majon dal guant a Urtijëi (tl frabicat dla vedla Cësa de Paussa), tol ju y dà inant per na pitla dunfierta guant y ciauzei ma nce chëutres, ziehes da liet y cultrines tenii drët bën. Orars: merdi, 8:30–10:30, juebia, 14:00–16:00.
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani a se nuzé de chësc servisc che vën pità uni merdi dala 12:00 (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant da mesdì, cherdan su: per Urtijëi l 3207234396 (Vinzenz), per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).
20.05.
Scontrèdes de auto mutuo aiut
La sociazion Rencureme de Fa­scia e Fiem endreza scon­trèdes de auto mutuo aiut per chi che à te cèsa parenc con problemes de memoria e decadiment cognitif. Quinta e ultima scontrèda en mercol ai 20 de mé da les 20:00 te Ciasa de Noscia Jent a Poza.

Referac
20.04.
Prejentazion dl liber »Und so war es« de Hermann Vantsch
Tla biblioteca de S. Cristina prejenterà Hermann Vantsch si liber »Und so war es«, n lu­­nesc ai 20 de auril dala 20:00.
23.04.
Malaties di osc, ufs, jenodli – terapies y cunsëies
La grupa Artejans n pension mët a jì chësc domesdì de nfur­mazion cun l ortoped dr. Ernst Demetz, n juebia ai 23 de auril dala 17:00 tla Pitla Sala tla Cësa di Cungresc a Urtijëi.

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
21.04.
Eie e speie – l impaz soziel di gren evenc
Dales 20:50. Test y regia Cin­zia Pistoia, produziun Penn­pro, a cura de Alessandro Da­punt.
22.04.
Trail Spezial
Dales 20:50 ca. A cura dla re­daziun ladina.
23.04.
Arpejuns – le majogn da fodom
Dales 20:50 ca. Test y regia Giulia Tasser, produziun Kar­bonvideo, a cura de Alessan­dro Dapunt.

Radio
17.04.
Matthias Stuflesser: Strategies per la trasfurmazion digitela
L daunì digitel dla trëi ruje­nedes de mendranza retoro­manes – l ladin, l rumanc y l furlan – dëssa unì sustenì tres l proiet de culaburazion sëura i cunfins ora dl proiet Interreg DIGI-RLF. Te chësta ntervista conta l diretëur de Repartizion Ami­nistrazion Scola y Cultura La­dina dut. Matthias Stufles­ser dla strategia per la trasfur­mazion digitela y di modiei de recunescimënt dla rujeneda (speech-to-text). Trasmiscion de Sofia Stuflesser.
19.04.
Olimpia Rasom – Valutazion dl sistem de educazion ladin
Olimpia Rasom dl Ufize pro­vinziel de valutaziun dl si­stem de educazion ladin tla In­tendënza Ladina chier adum, analisea y valutea siste­mati­camënter i dac che ie mpur­tanc per valuté l sistem educa­tif dla Provinzia. Te chësta ntervista contela dantaldut dla gran nrescida »Complett« (COMpetënzes Plurilingui­stiches Ladin Tudësch Talian) n cunlaurazion cun l’Eurac. Trasmiscion de Sofia Stu­flesser.

Temp Lede
Atualmënter
Jì a Ciaval – iscrizions camps da d’instà
L zënter y la scola de jì a ciaval de Gherdëina »Pozamanigoni« mët a jì camps da d’instà per mutons dai 5 ani insù, tl’ena dai 22-26.06. y dai 24.-28.08.–for danmesdi. L unirà nce fat n camp cun durmì de 5 dis per chi che sà bele mpue da jì a ciaval la prima ena de lugio. Per plu nfurmazions y per se scrì ite: 349 8899128.
Atualmënter
Iscrizions curs de jì a ciaval per mutons:ans
Tl mëns de mei uniràl fat n curs per mparé a jì a ciaval fajan damat cun i ponys. N se anconta uni sada ta »Poza­manigoni« te Sëlva. L curs ie pensà per mëndri y majeri dai 3 ani insù. Per nfurmazions y iscrizions: 349 8899128.
Mëns de auril
Café dla rujenedes: nglëisc
Ntan l Café dla rujenedes tla biblioteca de San Durich a Urtijëi uniràl rujenà nglëisc uni mierculdi dl mëns: n se anconta mo ai 22 y 29 de auril, for dala 09:30. Na cu­nescënza de basa dla ruje­neda ie bënududa.
22.04.
Cunesces’a bele...?
Tla biblioteca »Oswald von Wolkenstein« te Sëlva vëniel liet dal liber »Die Jagd nach dem magischen Detektiv­koffer« cun Karin y Frieda y pona pastelnà cun Erika, n mierculdi ai 22 de auril dala 15:00. L liber ie adatà per mutons:ans dai 8 ani insù. Nfurmazions y iscrizions te biblioteca.
23.04.
Crimi anconta culinaria
La autëura dl liber criminal »Der König von Tiers« liejerà ora de si liber ai 23 de auril dala 19:30 tla biblioteca de San Durich a Urtijëi. Sëuraprò cujinerà l cuech da stëiles Armin Mairhofer na bona der­zeda. N muessa se nuté su te biblioteca, 0471 797 814. Priesc: 25,00 €.
24.04.
Sëira de bal fox
La Grupa da Bal Populer Sëlva y S. Cristina mët a jì chësta sëira de balé fox tl self dla Cassa Raiffeisen S. Cri­stina, n vënderdi ai 24 de auril dala 20:30 inant. Duc ie nviei de cuer.

Festes y Segres
25.04.
35 ani Atletica Gherdëina
La Lia dl Atletica Gherdëina cun si sezion de ginastica artistica nvieia duc si scric ite, atlec, ex atlec, alenadëures y duc i simpatisanc de chësc bel sport ala festa dl iubileum de 35 ani dla lia. La festa unirà fata n sada ai 25 de auril dala 17:00 tla Sala de Teater a Santa Cristina cun la prejënza de truepa autoriteies.

Segres y Festes
24-26.04.
Festa de Sèn Florian
Ai 24, 25 e 26 de oril te zenter storich de Cianacei l é la Festa de Sèn Florian. Vender aur l tendon da les 6 da sera con musega di 4Kryner, sabeda da les 14:30 a les 17:30 l é l’Harmonika Treffen, a duc i sonadores de orghegn da mantesc ge vegn sport da magnèr e da beiver, da les 20:00 sona Die Jung Puschtra, domenia domesdì l é la Böh­mische da Vich e da sera I Pazedins.

Cursc
24.04.
Infopoint informatica a San Martin
Le Consëi de formaziun da San Martin mët a jí na consu­lënza personala por vigni eté, sön domandes che reverda l’adoranza dl computer y dl fo­nin, SPID, e–mail y tan d’ater, cun la referënta Madda­lena Valentini. Vigni vëndres, cina ai 29 de ma, dales 9:00 ales 11:00, tl salf di cursc dl Istitut Ladin. Al é da s’anunzié danfora al 347 6880248.Publichedes ai 03 de auril 2026