La Usc di Ladins

Ince sce les temperatöres frëides di sanc dal frëit, che tomâ ite avisa i dis denant, y la nëi sön les munts incëria recordâ cuaji deplü a n conzert de Santa Zezilia che a n conzert d’aisciöda ne s’á les musicontres y i musicontri dla musiga da San Ciascian nia lascé sprigoré en sabeda ai 16 de ma, canche al é gnü porté dant le conzert d’aisciöda da chësc ann. Gnanca le publich ne s’á lascé sprigoré: tröpa é la jënt, ince dai paisc vijins, che é rovada adarlerch a d’ascuté sö le conzert arjigné ca cun gran impëgn y lezitënza tratan i ultims mëisc dai musicontri da San Ciascian. Mancé ne podô sambëgn gnanca val’ autorité: siur Heinrich Ellecosta, le curat da San Ciascian, é vigni ann n ghest fis, sciöche ince l’ombolt da sëgn Christian Pedevilla y l’ombolt da denant, Iaco Frenademetz. En rapresentanza dla Uniun Musighes Val Badia án podü saludé le presidënt Heinz Canins y nia inultima á tut pert ince le presidënt dla Cooperativa Turistica Alta Badia, Christian Pescollderungg, instës da San Ciascian. La Musiga da San Ciascian á pité n program plajor y lapró él ince gnü surandé deplü onoranzes.

Deplü nes cunta Mirko Rudiferia t’La Usc di Ladins di 5 de jügn