La Usc di Ladins

Premissa: le tëmp d’agost ne dëida nia dagnora da lascé garaté manifestaziuns alaleria. Insciö á la scuadra dl Museum Ladin reagí cun spontanité y creativité y á cherié na lerch por performance y conzert te n post n pü’ fora dl normal: Le garasc dl ciastel. Na dezijiun che ti á indere dër plajü al publich, al artist, a musizistes y musizisć.
Le domisdé dediché al’ert metô man te n colp, zënza preavis, cun la performance de Claus Soraperra: ia por funz â l’artist destenü fora n linzó blanch. Lassura êl da odëi deplü bozes y contignidus metüs sö en fila, te chi che l’artist jutâ daimproía ite vin cöce, s’inslenan y lovan sö tres danü, stravan bindicé y lascian zoruch taces cöcenes. N prozes che á doré bun 20 menüc y descedé perplessités: ci ó pa l’artist nes dí cun chësc? Valgünes respostes y ciamó deplü spunc de reflesciun é dedô gnüdes debatüdes cun Gabriele Lorenzoni, espert dl’ert dla Galaria Civica da Trënt y dl Mart, te n dialogh cun l’artist.

Deplü ciafëise t’La Usc di Ladins di 4 de setëmber  (Marianna Kastlunger)