La Usc di Ladins

Al é 60 agn ca da canche l’Uniun Teater La Ila é gnüda metüda sö. Plü avisa s’â abiné n pice grup de dezëmber dl 1966 por le pröm iade. Rová adöm ê Edi Crazzolara (presidënt y regist), Robert Comploj (vize-presidënt), Albert Crazzolara (cassir) y Giovanni Valentini (secreter) por mët sö le pröm consëi dl’uniun. N valgügn de chisc â daidé arjigné ca la rapresentaziun de n teater plü lunch cun le titul »Nadé dal ustí« gnü porté sön paladina de scora dl paisc la domënia dan Nadé.

Tröp s’á mudé tl decurs de chisc 60 agn, deperpo che val’ é tres ciamó romagnü sciöche en iade: la vöia de fá teater deboriada. En gaujiun de chësc compliann toronn s’á i mëmbri incunté en domënia ai 6 de setëmber por festejé i 60 agn d’ativité dl’uniun. Deplü mëmbri che é stá atifs tl’uniun inlaota y de chi che l’é ciamó aldedaincö, s’á incunté a La Ila tl Bar Camoscio por passé deboriada n de de aorela cörta cun »Frühschoppen« danmisdé, cun n gran batadú domisdé y passé la serada te n’atmosfera da festa y bal cun DJ.


Deplü da lí ciafëise te La Usc di Ladins de vëndres ai 11 de setëmber!