La Usc di Ladins

Da n’edema pon indô i odëi sciöche ai vá da doman a bonora cun tascia sön le spiné devers dla scora. Les scolares y i scolars é piá ia da döes edemes oramai. Ciamó éson te chë fasa olache le ce é ciamó valgamia tles vacanzes da d’isté, mo le corp é te classa senté pro banch.
Tratan che n valgügn ciara da tó cun filosofia chësc momënt de adatamënt, ciara d’atri bele plü inant y se damana ci che al nen sará chësc ann dles ativités extrascolastiches y dles jites.

Por savëi ci che al sará da s’aspeté te chësc ann de scora tles scores dl’Alta Badia, unse damané do al diretur dles scores elementares y dla scora mesana Ivan Senoner.
»Chësc ann él l’impresciun che la porta se deures indô n pü’, sides por les elementares co por la mesana. Ince les propostes che é sön mësa por chësc ann lascia ponsé a na daurida, cun jites ince sön plü dis. Porimpó él da odëi sce chëstes propostes gnará aprovades te consëi tratan la proietaziun dl plann d’atuaziun. Al é dantadöt na dezijiun di insegnanc«, dij le diretur.

Liede inant tla ediziun nöia de vëndres ai 18 de setëmber!