La Usc di Ladins

Ti ultims agn unse odü ince chiló da nos che les temperatöres se müda – al vëgn plü cialt y le tëmp stá ince plü dî söla süa. Insciö pól ester che al sides plü edemes zënza prezipitaziuns, ci che porta a sëciores y terac assuiá fora. Insciö án ince bele plü iadi messü cherdé i stödafüch por destodé mesdefüch te bosch o alaleria. Por s’arjigné ca damí a chësta sort de intervënc y porvé fora co che al é da s’astilé, él gnü organisé en sabeda ai 17 d’otober na gran proa a San Ciascian, che á tut ite i corps di stödafüch dl raiun Alta Badia, la staziun di Verdabosc da La Ila, sciöche ince le Raiun dla Bassa Val de Puster cun l’ocupaziun dla zentrala raionala de intervënt. La proa é gnüda organisada dai Stüdafüch da San Ciascian cun so comandant Devis Crazzolara sciöche capointervënt, cun la colaboraziun di Verdabosc da La Ila cun le surastant Giorgio De Grandi, che á organisé y coordiné l’intervënt cun le joler. Al ê rodunt les 13:51 canche i pîpseri á metü man da soné.

Deplü podëise lí y odëi t’La Usc di Ladins di 30 d’otober  (pablo)