La Usc di Ladins

No l é demò la inchiestes de Report a slarièr fora dubies e critiches sun dut che che l é vindò la coltrines de la infrastrutures e de la organisazion de la Olimpiades 2026.
Critich sun dut chest l é da semper Luigi Casanova, president de Mountain Wilderness Italia, che jà del 2022, en cont del gran event nasciù con la emprometuda che l fossa stat ascort tant a livel economich cha ambientèl, l aea scrit l liber »Ombre sulla neve« per moscèr coche enveze en realtà i dubies su la propaganda de sostegniboltà se aesse palesà sobito.
Do trei egn, ades l é vegnù fora n auter liber, dal titol »Oro colato« scrit a cater mans da Ca­sanova con Duccio Facchini e dat fora semper da Altra­Economia, che l’à spent per aer na seconda publicazion che vae inant con la enrescida, la documentazion e la analisa sun coche l é stat e vegn portà inant l endrez di Jeghes olimpics sun usc.
Sun chestes à pontà sie cucalonch ence la rei »Open Olympics 2026«, che é stata metuda su del 2024 apontin col zil de aer la maor trasparenza e legalità tel endrez de chest gran event, da la sociazion Libera e da autra 20 Sociazions, anter chestes Mountain Wilderness, Cipra Italia, desvaliva sezions del CAI e de la SAT e Alperverein, Dachverband für Natur und Umweltschutz in Südtirol, Parco del Cadore, Peraltrestrade Dolomiti e autres.
Te sie terz report, vegnù fora ai 15 de dezember, »Open Olympics 2026« met dant i dac che l é l met de aer.

Se pel lejer dut su La Usc nr 49 dai 19 de dezember, che se pel troèr ence te la boteighes de sfoes. Sul sit se per fèr l abonament al e-paper per aer azes vigni vender a dut l sfoi sul fonin, tablet o computer.  (Lucia Gross)