La Usc di Ladins

Tles edemes passedes sun nost sfuei onse scrit dl bel pest davagné dal professour Paul Videsott con sie »Vacabolar dl ladin leterar«, tla sezion de maiour prestije dedicheda a Tullio de Mauro dl concurs nazional per operes de valuta per l stravardament di lingac dl post. Te chest concurs, tla sezion dedicheda a la poejia publicheda ti é l secont pest vegnù sourandé al furlan Christian Romanini per l liber »Stagjons, haiku par furlan«, dé fora chest ann da Campanotto Editor.

Per Romanini, jornalist y autour furlan de 'marilenghe', é chesta la pruma endesfida tl setour dla poejia. Te chest codejel é les curtes poejies scrites con l stil tipich de chesta sort de composizion che vegn dal Giapon, spartides tles cater sajons y dlongia al furlan éles ence per talian, ingleis y giaponeis. N pice libret prezious, che ti dà prestije al lingaz furlan.  (LG)