La Usc di Ladins

Proscim'ena saràla tan inant: l unirà a s'l dé n cunvëni defin tl sëni dl gran Giorgio Moroder, che à metù a jì l'Università liedia de Bulsan. I scienziac y la scienziates uel studië l lëur dl piunier de mujiga de Gherdëina, Giorgio Moroder, y si nfluenza sun la mujiga, i media y la cultura. 
Giorgio Moroder, che à śën 86 ani, vën cunscidrà un di majeri produtëures y cumpositëures de mujiga de al didancuei, che à abù propi na gran nfluenza. Coche piunier dla mujiga eletronica, co-fundadëur dl disco sound y cumpositëur de meludies de film, à l star de Gherdëina caraterisà la cuntreda de mujiga nternaziunela. 
Dai 10 ai 12 de setëmber ie si lëur de vita tl zënter dla cunferënza nternaziunela "Everyone calls me Giorgio: Moroder across Media, Arts and Communication (ECMG26)" - l vën metù a jì tla sënta de Persenon dla Università Liedia de Bulsan. Coche nce La Usc à bele repurtà, ti àn de jené de chëst ann sëurandat a Giorgio Moroder l titul dla unibz de "senator honoris causa".

Dla biografia dla stëila dla mujiga de Gherdëina, dl cunvëni y dl cunzert che ie stat dan 10 ani a Urtijëi pudëis liejer tla edizion nueva de La Usc di Ladins che vën ora n vënderdi ai 4 de setëmber.

Julia Lardschneider