La Usc di Ladins

An podess cuaji dí che Mareo vir na sort de "altonn dla proteziun zivila". Do che la Crusc Blancia d’Al Plan á podü inaudé dan da döes domënies la sënta nöia, i ára toché ai 18 d’otober ai Stödafüs d’Al Plan da benedí ite n camion dala litra. N meso che toca pro les litres dl raiun dla Bassa Val de Puster, mo é stazioné a Al Plan, en sorvisc dantadöt por le raiun dla Bassa Val Badia – da La Pli cina La Val. Da la tó avisa n’él gnanca na litra, mo n "Hubsteiger" sciöche le todësch dij – n camion cun plataforma da alzé sö, che tol ite le post dla litra vedla Mercedes, che â oramai 28 agn söles sciables. Tota nöia é Marlies Unterberger, fomena dl comandant. La festa é stada grana y sintida, en presënza dl ombolt de Mareo Albert Palfrader y di colegs da San Martin y La Val Giorgio Costabiei y Felix Nagler, mo ince rapresentanzes di stödafüch dl raiun Bassa Val de Puster, dla Bassa Val Badia y sambëgn na delegaziun di compagns da Andorf te Oberösterreich. 

Deplü ves cuntunse t’La Usc di Ladins di 23 d’otober  (pablo)