La Usc di Ladins

Al pò ben ester che al sibe gaujes de marketing do chesta dezijion, ma les conseguenzes per la visibelté dla denominazion ladina é fatales. A n livel plu internazional, tl reclam y ti social media, scomparesc l inom ladin y ence a livel local vegnel sferié fora n element fondamental de na arpejon toponomastica milenara.
La Union Generela di Ladins dles Dolomites invieia i responsabli de mudé chesta dezijion y de mete indò l inom ladin tl logo.
Al n’é nia azetabel che per motivazions porì materialistiches végnel renunzié al inom original ladin. Chest và defin contra i sforc de conservazion y sconanza dl lingaz y dla cultura ladina che é n dovei costitutif de nosta autonomia provinziala.

Roland Verra,
president dla Union Generela di Ladins dla Dolomites