La Usc di Ladins

Sport
Atualmënter
Turnoi de tennis: ITF Men Val Gardena Südtirol
Tl zënter dal tennis de Sëlva uniràl a se l dé la setima edi­zion dl ITF Men Val Gardena Südtirol 15.000 dollar, dai 26 de utober dala 09:00 inant. L turnoi va inant nchin ai 1. de nuvëmber y ie a bona ucajion per udëi truep talënc jëuni da dut l mond.
25.10.
HC Gherdëina vs. HC Meran Pircher
Tl stadio Pranives de Sëlva saràl ai 25 de utober dala 18:30 la partida dl campiunat AHL (Alps Hockey League) danter l HC Gherdëina y l HC Meran Pircher.
01.11.
HC Gherdëina II vs. AHC Vinschgau Eisfix (IHL Divijion I)
L HC Gherdëina nvieia ala partida contra l AHC Vinsch­gau Eisfix, ai 01.11. dala 19:30 tl stadio Pranives te Sëlva.

Dotours
Dutor Gherdëina
L dutor de servisc da n sada ai 25.10. dala 08:00 daduman nchin la 08:00 daduman de n lunesc ai 27.10. ie l dutor Michael Trocker de Urtijëi, streda Promeneda, tel. 388 2580002.
Doturs Val Badia
Tla fin dl’edema di 25 y 26 de otober, él en sorvisc tla Val Badia la doturia Jasmine Gabrieli, tel. 371 7515275.

Apoteches
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 24.10. nchin n vënderdi ai 31.10. ie chëla de Sëlva, tel. 0471/795142 o 333/1776615, (davierta dala 8.30–12.30).
Apoteca Val Badia
L’apoteca en sorvisc fora dl orar ordinar, dal vëndres ai 10 d’otober dales 19:00 al vën­dres ai 17 de otober ales 19:00, é chëra da San Martin/Picolin, tel. 0474 523020.

Sozial
Atualmënter
»Club

• 
•  

View the embedded image gallery online at:
https://www.lausc.it/manifestazions-y-evenc/30595-manifestazions-atuales#sigProId185d7e4fb6

Boé«
Le grup de autoaiüt »Club Boé« por problems de alcol o d’atres dependënzes s’incunta vigni mertesc dales 20:00, tla Ciasa di Stüdafüch a La Ila altaite. Les porsones de referi­mënt é Hubert (tel. 339 1698 343) y Methilde (tel. 335 697 7604).
Atualmënter
Bancarela dl mangé a Badia
La bancarela dl mangé é daverta vigni secunda jöbia, dales 9:30 ales 10:30. Le pro­scim termin é ai 6 de novëm­ber. Al vëgn dé fora da mangé a dötes les porsones dla Val Badia che á debojëgn.
Atualmënter
Ciamena dal guant a La Ila
La Ciamena dal guant por mituns »Neores« a La Ila é daverta vigni vëndres dales 14:00 ales 15:30, te local sura i stödafüch a La Ila Alta.
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani a se nuzé de chësc servisc che vën pità uni merdi dala 12:00 (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant da mesdì, cherdan su: per Urtijëi l 3207234396 (Vinzenz), per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).
10. – 17.11.
Nadé te na scatora dai cialzá
Ince chësc ann vëgnel metü a jí l’aziun »Nadé tla scatora dai cialzá«, por ti porté n pü’ de ligrëza a mituns y mitans de paisc manco fortuná. Tla Val Badia pón dé jö i poc dai 10 ai 17 de novëmber a La Ila, pro Alma Flatscher (Garni Ambria), tel. 333 6769105.

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
28.10.
25 arpejuns
Dales 20:50 ca. Test y regia Giulia Tasser, produziun Kar­bonvideo, a cura de Alessan­dro Dapunt.
29.10.
Salon cultural
Dales 20:50 ca. Regia TV Alessandro Dapunt, produ­ziun RAI-BZ, a cura de Ales­sandro Dapunt.
30.10.
Euro TV magazin de economia
Dales 20:50 ca. Test y regia Diego Clara, produziun Zak, a cura de Leo Senoner.

Radio
24.10.
100 ani Cor y Urchestra de dlieja de Urtijëi
N anuel turont possa festejé l Cor y Urchestra de dlieja de Urtijëi. Nfati chësc fin d’ena uniral festejà i 100 ani da can­­che l fova unì metù su la lia. L ugrister Theodor Rifes­ser va ite mpue plu avisa sun la storia y prejënta l liber dat ora per chësc iubileum. Tras­miscion de Georg Mussner.
26.10.
Galaries d’ert ti dà na man a nosc artisc’
 Artisc’ che uel se fé cunëscer al mond lascia retlamisé y nce vënder si lëures for plu y plu da galaries d’ert. Willy Ver­giner y Walti Moroder, trame­doi de Urtijëi, nes dà spiega­zions de prima man coche la sta al didancuei cun l’ert, coche ie l marcià y ciunes che ie states si sperienzes. Trasmi­scion de Simon Moroder.

Teater
Atualmënter
L

• 
•  

View the embedded image gallery online at:
https://www.lausc.it/manifestazions-y-evenc/30595-manifestazions-atuales#sigProId185d7e4fb6

cunicio de peza
La grupa Teater Sëlva nvieia a la reprejentazions dl pez de te­ater da rì »L cunicio de peza«, tla Cësa de Cultura de Sëlva. L sarà mo na reprejentazion, duman ai 25.10. dala 20:30. Chertes danora pòssen apusté cherdan su tl ufize de Turism de Sëlva, tel. 0471 777900.

Religion
26.10.
Santa Mëssa y festa de aniverser de matrimone
L muvimënt catolich dl’ëiles nvieia a na Santa Mëssa n dumënia ai 26 de utober, dala 09:30 tla dlieja de Santa Cri­stina. Da dedò saràl nce na festa per i aniverseres de matri­mone, per i 25, 40, 50, 55 y 60 ani maridei.

Mujiga
25.10.
Rassegna Cor Valfassa
L Cor Valfassa endreza la 20^ rassegna di cores da mont ‘Ciantèr sa mont’ en sabeda ai 25 de otober da les 20:30 te gejia del Sacro Cher de Cianacei con i cores Coro Laudamus e Coro Castel Penede.

Mostres y Ert
Atualmenter
Mostra a Nomi de Adolf Vallazza
Fin ai 30 de otober al Granaio de Nomi se pel veder la mostra ‘Arcaismi’ de Adolf Vallazza con oraries: da mercol a sabe­da da les 16:00 a les 19:00.
Atualmenter
Sieff en mostra a Rorei con Ligabue
A la Manifattura Tabacchi de Rorei l é la mostra ‘Incontr­Arti’ con operes de Antonio Ligabue, Flavio Zoner, Piero Devilli e del fascian Matthias Sieff. Averta fin ai 26 de otober dal mèrtesc al vender h. 17:00-20:00, sabeda e domenia h. 10:00-12:00/17:00-20:00. Operes de Sieff é fora fin ai 31 de otober ence al Parco Villa Boghi de Limone sul Garda.
Atualmënter
Nibl n Tiera – Ketty Gobbo
L Circolo–Lia Mostra d’Ert nvieia ala giaurida dla mostra ncuei, 17 de utober dala 20:00 tl self dla mostres dla Lia Mostra d’Ert. La mostra re­sterà davierta nchin ai 9 de nuvëmber, merdi – vënderdi: 16:00-19:00, sada y dumënia: 10:00-12:00 y 16:00-19:00. De lunesc iel stlut.
Atualmënter
»Audide, audide…«
L Tublà da Nives nvieia ala prejentazion dl Portal Ladin y mostra dla cianties ladines, metuda a a jì n culaurazion cun la Union di Ladins de Gher­dëina. Orares de giau­rida: 15.00–18.00. De lunesc y l di de Unissant iel stlut.
Atualmënter
Mostra »Le lu é chiló«
Te Ciasa dl parch a Al Plan él da odëi fina al 31 d’otober la mostra »Le lu é chiló«, olache al vëgn tematisé le lu che popolëia indô i raiuns dles Alpes, la reaziun dla por­sona y co che la presënza dl lu müda nos, nostes contrades y la manira da tigní tiers.
Atualmënter
Upcycling Music
Tl Museum Ladin Ciastel de Tor él da odëi cina ai 2 de no­vëmber la mostra »Up­cycling Music«, de y cun Max Castlunger, che mët fora sü stromënc reziclá.

Leteratura
24.10.
Letura y depënc
La manifestazion culturela cun Nadia y Klaus Rungger sarà ncuei, vënerdi ai 24 de utober dala 19:00 tla biblioteca a Tramin. Do na letura jiràla inant cun la vernissage tla cësa Menapace pra l Chemun. Tres la sëira mëina Adina Guarnieri.

Cursc
29.10.
Ginastica de prevenziun
Le KVW y le Consëi de for­maziun da La Val mët a jí 5 incuntades de ginastica de prevenziun cun Marlene Trebo. Ai 29 d’otober, ai 5, 12, 19 y 26 de novëmber, dales 8:30 ales 9:30, tl pice salf de Comun a La Val. Max. 12 porsones. Info y iscriziuns pro Albina Sottara al 334 1310963
06.11.–04.12.
Fit tl cë cun juesc y devertimënt
L KVW Urtijëi nvieia ëi y ëiles sëura i 60 ani a chësta ancuntedes per mantenì na bona riazion, memoria y cun­zentrazion, cun la referënta Isolde Senoner. La ancuntedes va inant per de ndut cin’ iedesc tla Biblioteca de San Durich a Urtijëi, for de juebia dala 09:30 nchin la 10:30. Iscri­zions: dai 21–30.10 tla biblio­teca se S. Durich. Priesc: 30€.
14.11.
Curs de ultim aiüt
En vëndres ai 14 de novëmber dales 14:00 ales 18:00 él tl gran salf dl Istitut Ladin a San Martin n curs de ultim aiüt, debann y por ladin, tigní dales infermieres dl Raiun Sanitar dla Val Badia. An impara da socodí, da capí y da ti sté dlungia tla dërta manira a porsones che é tl morí. Prenotaziuns i dis da laur al 0474 586128 dales 9:00 ales 16:00. Posć limitá.
22.11.
La Ila: curs de pröm aiüt
Le KVW La Ila organisëia n curs de pröm aiüt adöm ala Crusc Blancia, en sabeda ai 22 de novëmber dales 14:00 ales 18:00, tla sënta dla Crusc Blancia Alta Badia a La Ila, str. Boscdaplan 101. Le curs é debann por i scric ite ala Crusc Blancia, 40,00€ por i atri. Min. 6 y max. 16 porso­nes. Prenotaziuns al 328 866 2333 anter i 8 de novëm­ber.

Avisc
Atualmenter
Biblioterapia a Cianacei
Te Biblioteca de Cianacei n percors de biblioterapia uma­nistica vidà da Elisabetta Vanzetta per rejonèr de iden­tità, acort, mudamenc, enso­mesc dejideries e encontres. L é 5 scontrèdes de 90 menuc da les 17:30 de lunesc: ai 27 de otober e ai 3, 10, 17 e 24 de november. Prenotazion per mail a biblioteca@comune.canazei.tn.it. o WhatsApp al 0462 602382.
Atualmenter
Corsc de bal a cobies
L Comun de Sèn Jan con la sociazion Des Etoiles endreza n cors de bal a cobies per gregn, per sozialisèr e se tegnir en forma: bai da sala, ‘liscio’ e bai standard vigni jebia dai 23 de otober ai 11 de dezember te palestra de la populères de Vich da les 20:00 a les 21:00. Cost 80 euro, enscinuazions a Des Etoiles, 347 2463577.
Atualmënter
»Ëres dëida Ëres«
L’ofize a Bornech é da ciafé tla str. Paul von Sternbach nr. 6. Al é davert dal lönesc al vëndres dales 8:30 ales 11:30, le mercui ince dales 15:00 ales 17:00. info@frauen helfenfrauenbruneck.it
24.10.
Prejentazion del liber ‘Hände auf Tirol’
Insnet, vender ai 24 de otober da les 20:30 a La Gran Ciasa a Soraga i Shizeres de Fasha envia a la prejentazion del liber ‘Hände auf Tirol. Le mani sul Tirolo’ de e con l autor Giuseppe Matuella.
24.10/07.11.
Berlichete te Ciasa de la Moniaria
I Servijes linguistics e culturèi del Comun General de Fascia endreza doi dis de labratorie creatif ‘Berlichete’ con Alice Dellantonio de MarameoLab per i bec dal ultim an de sco­lina fin a la quinta populèra: anché, vender ai 24 de otober e vender ai 7 de november da les 15:30 te Ciasa de la Mo­niaria a Sèn Jan.
31.10.
Onlife con Alessio Carciofi
L’ApT de Fascia, tel chèder del projet »Dolomiti d’autun­no« en vender ai 31 de oto­ber da les 21:00 te sala Si­­monin Maza a Moena endreza na scontrèda con Alessio Carciofi per rejonèr de armonia anter vita reèla e vita online.
02.11.
Fiera di morc
En domenia ai 2 de november a Moena, te Ramon, su per L Vial e jun Navalge, l é la Fiera di morc con i stonc del marcià.
07.11.
San Martin: udiënza dla defensuria popolara
La defensuria popolara o süa sostituta tëgn udiënza a San Martin, tl salf di stödafüch, en vëndres ai 7 de novëmber dales 14:00 ales 17:00. Por prenotaziuns cherdé sö le 0471 946020.

Referac
25.10.
100 ani Cor y Urchestra de dlieja
L cor y l urchestra de dlieja der Urtijëi nvieia duc i simpa­tisanc ala prejentazion dl liber »100 ani Cor y Urchestra de dlieja Urtijëi«, n sada ai 25 de utober dala 20.00 te Cesa de Cungresc a Urtijëi. Te chësta ucajion uniràl nce dat ora l liber.

Temp Lede
15.11.
Chi de Mareo fej festa por i 60 agn
I nasciüs dl 1965 de Ma­reo é inviá a na festa, en sabe­da ai 15 de novëmber. Dales 11:00 él la santa mëssa te dlijia da La Pli, dedô marëna tl restorant »Fornata« a Lun­giarü. Le prisc é de 60€ a ce, cun vin y ega che é sön mësa. S’anunzié anter i 28 d’otober pro Edith al 348 7288920, Karin al 338 9223896 o Elisa­beth al 338 8755312.

Chino
Atualmenter
Al chino de Cianacei
Insnet, vender ai 24 de otober e doman, sabeda ai 25 da les 20:30 l é l film »La vita di Chuck«, domenia ai 26 da les 17:00 l é l film per families »Elio«, mercol ai 29 da les 19:00 per la rassegna eco da la valèdes l é l film »La pantera delle nevi«, jebia ai 30 da les 20:00 l é i jeghes e vender ai 31 da les 20:30 l é »Franken­stein Junior«.