La Usc di Ladins

Dotours
Dutor Gherdëina
L dutor de servisc dala 08.00 de n sada ai 30.05. nchin la 08:00 daduman de n lunesc ai 01.06. ie l dutor Pablo Poli­castro tl ambulatuere di duto­res Kostner/Weber, a Urtijëi tla streda Trebinger 10, tel. 366 3646 254.
Doturs Val Badia
Tla fin dl’edema di 30 y 31 de ma sarál en sorvisc ti cin’ co­muns dla Val Badia le dotur Eduard Agreiter, San Martin de Tor, tel. 0474 523315 o 333 1380852. Sura la festa na­­­­zionala al 1. y ai 2 de jügn él en sorvisc la doturia Marga­rete Mahlknecht, La Val, tel. 349 0667034 o 0474 523018.

Apoteches
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 29.05. nchin n vënderdi ai 05.06. ie chëla de Sëuc, tel. 0471/708970 (orar de giaurida lu-ve 8.30-12.30/15.00-19.00, sada 8.30/ 12.30. Turnus: 9.00-12.00).
Apoteca Val Badia
L’apoteca en sorvisc fora dl orar ordinar, dal vëndres ai 29 de ma dales 19:00 al vën­dres ai 5 de jügn ales 19:00, é chëra da La Ila, tel. 0471 847152.

Segres y Festes
31.05.
Segra da Bula
La segra da Bula sarà n du­mënia ai 31 de mei. Dala 09:00 saràl la Santa Mëssa y dala 10:00 suneràl la Böhmische da Bula y dala 11:45 la Mujiga di jëuni Gherdëina. Da ma­rënda puderàn se maië y bever zeche, dala 12:30 sunerà la mujiga de Kollmann y dala 14:30 balerà i »Gipflplattla«. Dala 15:30 jiràla inant cun mujiga y bona ueia cun la grupa »Cumpanies di Crëps«.

Chiino
Atualmenter
Al chino de Pardac
Sabeda 30 e domenia 31 de mé da les 21:00 l é »The Man­dalorian and Grogu«.

Iadi y Jites
07.06.
Da Durnholz a Asten passan per la Flaggerschartenhütte
La Lia da Mont Gherdëina mët a jì chësta jita plutosc longia da Durn­holz a Asten, passan per la Flagger­schar­ten­hütte – l sarà da jì 6,5 ëura y n deslivel de 1.100 metri. L vën pià via dala 6:30 da Sëlva demez cun la curiera, che fërma pona a S.Cristina dala 6:35 y Urtijëi dala 6:45. La iscrizions vën tëutes su dai 1. de juni nchin ai 4 de juni tres What­s­app: (Romana) 338 898 8620, scrijan l inuem y post ulache n sënta su. Cost per scric ìte: € 18,00; sot a 18 ani: € 13,00; sot a 14 ani: debant.

Sport
Atualmënter
Curs de sauté
I Gherdëina Runners mët a jì n curs cun l alenadëur Diego Soppelsa. L curs sun l ciamp dal sport Mulin da Coi, uni juebia dala 19:00 per dut l instà. Duc ie de cuer nviei, nce de tei che scumëncia permò.
06.06.
Dolomites Saslong Half Maraton
La mesa maratona ntëur ala Grupa de Saslonch ruva a si otava edizion, che sarà n sada ai 6 de juni: l vën pià via sun Pana, ulache l sarà pona nce l travert.
06.06
Di dla roda ntëur l Sela
N sada ai 6 de juni saràl inò a se l dé l Sellaronda Bike Day. N chësta ucajion unirà la stredes sun i jëufs ntëur al Sela śarede per l trafich dala 09:00–17:00, per ti lascé la lerch a chëi dala rodes. L vën pià via te Sëlva da Plaza Nives.
06.06.
Sellaronda Bike Day
En sabeda ai 6 de jugn i jouves de la Dolomites vegn seré fora al trafich per lascèr passèr demò la rodes per la 20^ edizion de la Sellaronda Bike Day.
30.05.
Tré o julé – Garejeda de boulder
La Grupa alpinisć Gherdëina mët a jì na garejeda de boulder ai 30 de mei dala 14:00 inant tla palestra de boulder a Runcadic. La iscrizions vën tëutes su da Georg al 331 3325962. Da paië ite: 20 €.
30/31.05.
Marcialonga Cycling Craft
En sabeda ai 30 de mé l é la Mini­cycling entorn Pardac e en domenia ai 31 la 18^ Mar­cialonga Cycling Craft sun doi percorsc: granfondo de 135 chilometres e 3.900 me­tres de dislivel e medio­fondo 80 chilo­metres e 2.488 metres de dislivel. I con­corenc ponta demez e rua a Par­dac, i passa ence sul Jouf de Ciareja e de Sèn Pelegrin.

Cursc
09.06.
Domisdé de Kneipp
Le Consëi de formaziun da San Martin mët a jí n domisdé de Kneipp cun Waltraud Auer, che á fat la »Sebastian Kneipp Akademie«. An s’incunta en mertesc ai 9 de jügn dales 14:00 ales 17:00, pro le percurs Kneipp dlungia la Ciasa de palsa a San Martin. Le curs é por todësch. Infos y iscri­ziuns anter i 5 de jügn pro Monica Trebo al 334 8228799.

Mujiga
Atualmënter
Cianties populeres cun Willy Runggaldier
L KVW de Sëlva nvieia duc chëi che à legrëza a cianté n cumpanía ala ancuntedes cun Willy Rung­galdier. N se an­conta for te Sëlva dala 15:00: ai 6 de juni tl bar Okay ora Plan da Tieja y ai 18 de juni ta la utia Ciampac. La manife­stazion ie debant y l ne ie nia de bujën de se lascé nuté su!

Temp Lede
06.06.
AperiBike cun mujiga del vif
Sun Plaza Stetteneck a Urtijëi vëniel metú a jì l »AperiBike«, n ucajion dl Sellaronda Bike Day. Dala 16:00 inant puderàn se ancunté per s’la ciaculé pra n aperitif y de bela mujiga cun i »The Killbilly’s«.
07.06.
Festa dla roda
La Scola de Mountainbike Urtijëi nvieia de cuer a na festa per duta la familia, n dumënia ai 7 de juni dala 10:00 inant dan la Utia da Palmer.

Religion
07.06.
Urtijëi: Pruzescion de Dumënia dai Andli
La pruzescion unirà fata nce chëst ann, n dumënia ai 7 de juni. Dala 07:35 peierà la Lia Guant dala gherdëina da Plaza de Sant Antone su tres l raion da jì a pe nchin pra dlieja, ulache l sarà la Santa Mëssa dala 08:00. Do mëssa saràl pona la pruzescion tradiziu­nela dala streda Stufan ite nchin ju sun plaza de Urtijëi.
07.06.
S. Cristina: pruzescion de Dumënia dai Andli
N dumënia ai 7 de juni dala 9:30 saràl la Santa Mëssa tla dlieja de S. Cristina. L cianterà y sunerà l Cor de Dlieja y l’Ur­chestra. Daldò saràl la pru­zescion tres l luech cun la trohtes de Gherdëina.

Mostres y Ert
Atualmënter
Mostra »Bal di Culëures«
Tl Café Surëdl a Urtijëi iel metù ora chedri de Lara Ko­stner. L’esposizion va inant nchin ai 13 de juni.
Atualmënter
»31,1246667«
Tl Tublà da Nives te Sëlva iel metù ora na mostra coletiva dl’EPL–Ert por i Ladins dla Val Badia, sezion de ert figu­rativa, che sarà da udëi nchin ai 11 de juni. L titul ie tëut dala spersa de 31,1246667 m2 che uni artist:a à a despu­sizion.
Atualmënter
Mostra de La Prufesciunela
Tl self dla mostres dl Circolo mët la Scola prufesciunela per l Artejanat Artistich de Urtijëi ora na mostra di lëures fac ntan l ann, che resterà da udëi nchin ai 2 de juni, dal lunesc nchin ala dumënia, 17:00 – 19:00 y de sada y dumënia nce danmesdì dala 10:00 – 12:00.
Atualmënter
»Corpi Santi« & »Gli eredi della solitudine«
Tla galaria Doris Ghetta a Puntives iel metù ora la mostra »Corpi Santi« de Pietro Mo­retti y »Gli eredi della soli­tudine« de Alessandro Twom­bly, che sarà davierta nchin ai 12.09.
Atualmënter
Mostra de Valeria Federa
Cina al 31 de ma él da odëi tl Studio Zona a Pedraces/Badia la mostra personala de Valeria Federa, sot al titul »Unizité«. La mostra é daverta vigni de dales 15:00 ales 18:00.

Sozial
Atualmënter
Majon dal guant a Urtijëi
La Majon dal guant a Urtijëi (tl frabicat dla vedla Cësa de Paussa), tol ju y dà inant per na pitla dunfierta guant y ciauzei ma nce chëutres, ziehes da liet y cultrines tenii drët bën. Orars: merdi, 8:30–10:30, juebia, 14:00–16:00.
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani a se nuzé de chësc servisc, uni merdi dala 12:00 (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant da mesdì: Urtijëi l 3207234396 (Vinzenz), S. Cristina l 333 1499949, Sëlva l 335 6558633.
Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
02.06.
Mendret
Dales 20:50. Test y conzet Matilde Gazzini, produziun Media-art, a cura de Ales­sandro Dapunt.
03.06.
Pizes dla Ladinia – la contessina
Dales 20:50 ca. Test y conzet Manfred Stuffer, produziun Karbonvideo, a cura de Ales­sandro Dapunt.
04.06.
Arpejuns – i De Zanna e l cult de ss. Trinità
Dales 20:50 ca. Test y conzet Giulia Tasser, produziun Kar­bonvideo, a cura de Ales­san­dro Dapunt.

Radio
29.05.
»Anni di piombo« – N proiet per la scoles
L tëmp danter la fin di ani ‘60 y prim ani ‘80 vën numinà tla Talia »anni di piombo«. Da deplu ani incà vëniel purtà dant tla scoles tla Talia n proiet dedicà a chësta pert scura dla storia taliana y nce la scoles autes dla Val Badia à fat pea. Audiron danterauter la testemunianza de Sonia Zanotti de Urtijëi, che ie sëu­ravivuda ala desgrazia di 2 de agost 1980 tla stazion dla ferata de Bologna. Trasmi­scion de Stefano Zanotti.
31.05.
»La liturgia dla parola« – Canche laics liej la Parola de Die
La ciarestia de prevesc se fej for plu y plu sentì y nsci pieta nosta diozeja bele da plu ani incà cursc per liejer la liturgia dla parola. Bruno Senoner y Helga Kerschbamer à fat chësc curs y nes conta ciuna che ie stata la sburdla per ti jì permez a chësc servisc de gran mpur­tanza y per la pluanies. Tras­miscion: Simon Moroder.

Avisc
Atualmenter
50 egn de la gejia de Pera
A Pera per l cedean de la gejia neva e de la Crousc de Jumela: insnet, vender 29 da les 20:30 te gejia prejentazion del liber »Una chiesa accoglie una croce custodisce«. Sabeda ai 30 na focola passa fora per paisc e domenia 31 da les 10:00 messa grana, festa, marena su pre­notazion.
Atualmenter
Corsc de lengaz te biblioteca
La biblioteca de Cianacei met dant scontrèdes per emparèr i lengac con conversazion con letores esperc: vender ai 29 de mé e vender ai 5 de jugn da les 17:00 a les 18:00. Iscri­zions su whatsapp al 0462 602382.
Atualmënter
Mpresté trohtes a Urtijëi
Dai 20 de mei inant pòssen uni mierculdi dala 20:00–21:30, mpresté ora trohtes pra la Lia Guant dala Gher­dëina de Urtijëi, tl self dla lies tla Cësa di Cungresc suaut. La trohtes per mutans y mu­tons vën mprestedes ora do­mesdì, ai 3 de juni, cherdan su danora l numer de Nadja Moroder 334 5266014.
Atualmënter
Picolin: portina por assistënza y cura
La Portina por l’assistënza y cura é daverta trëi iadi al’ede­ma: le lönesc dales 14:00 ales 16:00, le mercui y la jöbia dales 10:00 ales 12:00. Tel. 0474 586123 tratan chisc orars. La Portina é tl Raiun so­ziosanitar a Picolin, tl’alzada a tera sön la man ciampa. Al vëgn chiló tut sö dötes les che­stiuns por ci che reverda le guern dles porsones.
Atualmënter
Iniziativa di ëi de Puster
L’ofize dla MIP–Männer­initiative Pustertal dëida i ëi y peri pro caji de separaziun y pîta aiüt te situaziuns de dif­icolté. L’ofize é tla str. Dan­te 2m a Bornech (Stern­hof) y é davert lönesc y mercui dales 14:00 ales 19:00, le vën­dres dales 8:00 ales 12:00. Con­tac: 0474 555848, 340 1896431 o info@mip-puster tal.it
Uni mierculdi
Ciaculon online – per ladin
La Union di Ladins de Gher­dëina mët a jì »Ciaculon online« per chi che scumëncia y chi che ulëssa miuré si ladin: uni mierculdi dala 18:00–19:00. Duc possa fé pea, l basta nstalé l prugram »TEA­MS« sun l computer y jì ite sot a chësc link: https://url-shortener.me/GIBM
Atualmënter
»Ëres dëida Ëres«
L’ofize a Bornech é da ciafé tla str. Paul von Sternbach nr. 6. Al é davert dal lönesc al vëndres dales 8:30 ales 11:30, le mercui ince dales 15:00 ales 17:00. info@frauen helfenfrauenbruneck.it
10.06.
Senteda generela dl Schi Club Gherdëina
L Schi Club Gherdëina nvieia a si senteda generela cun premiazion di miëur atlec per si meric sportifs ntan l’ultima sajon – n mierculdi ai 10 de juni dala 20:00 tla gran sala de Chemun a S.Cristina.