La Usc di Ladins

Senteda generela dl Schi Club Gherdëina
L Schi Club Gherdëina nvieia a si senteda generela n mierculdi ai 10 de juni dala 20:00 tla gran sala de Chemun a S.Cristina
Ntan la senteda generela uniràl nce premià i miëur atlec per si meric sportifs che i à arjont ntan l’ultima sajon. 
Cumëmbri, genitores y sustenidëures ie de cuer nviei. Daldò saràl mo ucajion per s’la ciaculé pra n pitl renfrësch.

Analogue Photo Festival tl Ciastel de Tor
Vijita menada al depot y laboratore creatif por mitans y mituns, en vëndres ai 12 de jügn
En gaujiun dl »Analogue Photo Festival« dai 3 ai 14 de jügn, pîta le museum na vijita me­nada al depot y n laboratore creatif de collage cun ima­jes d’ar­chif, tigní da Silvia Baccan­ti. L’apuntamënt por mitans y mituns é por en vëndres ai 12 de jügn dales 15:00 ales 16:30. Prenotaziuns por telefon al numer 0474 524020 o cun tres e–mail a prenotaziuns@museumladin.it. 
Deplü info sön le festival de fotografia ciafon sot a https://www.ana loguephotofestival.com/

»La vita é some«
L’EPL-Ert por i Ladins inviëia ala presentaziun dl liber de poesies de Carlo Suani te Gherdëna, en vëndres ai 12 de jügn dales 18:00, tla Biblioteca ladina »Anda Malia da Cudan« tla Cësa di Ladins
Le liber »La vita é some« de Carlo Suani é gnü dé fora dal’EPL-Ert por i Ladins ODV y tol ite 324 plates che partësc sö les poesies te plü capitui. Carlo Suani é un di poec plü premiá de nüsc tëmps contemporans tla Ladinia. Trëi é i pröms pesć che al á pié do en gaujiun de ediziuns dl pest lirich »Angelo Trebo«. 
Le titul dl liber é »La vita é some« desco laitmotif dla fantasia y creativité leterara. Do la pröma presentaziun dl liber de suzes stada dan otedé tla Val Badia (ciara articul te chësta ediziun de La Usc di Ladins), gnará le liber ince presenté te otedé, en vëndres ai 12 de jügn 2026, dales 18:00, tla Cësa di Ladins a Urtijëi.