La Usc di Ladins

Religion
07.06.
Urtijëi: Pruzescion de Dumënia dai Andli
La pruzescion unirà fata nce chëst ann, n dumënia ai 7 de juni. Dala 07:35 pëierà la Lia Guant dala gherdëina da plaza de Sant Antone su tres l raion da jì a pe nchin pra dlieja, ula­che l sarà la santa mëssa dala 08:00. Do mëssa saràl pona la pruzescion tradiziu­nela dala streda Stufan ite nchin ju sun plaza de Urtijëi.
07.06.
S. Cristina: pruzescion de Dumënia dai Andli
N dumënia ai 7 de juni dala 9:30 saràl la santa mëssa tla dlieja de S. Cristina. L cianterà y sunerà l Cor de Dlieja y l’Urchestra. Daldò saràl la pruzescion tres l luech cun la trohtes de Gherdëina.
14.06.
Sacro Cuer de Gejù 
La santa mëssa – cianteda y suneda dal Cor y Urchestra de S. Cristina – sarà tla dlieja de S. Cristina dala 09:30 y daldò saràl la pruzescion tra­diziunela cun la trohtes.

Iadi y Jites
07.06.
Traverseda da Durnholz a Asten passan per la Flaggerschartenhütte
La Lia da Mont Gherdëina mët a jì chësta jita plutosc longia da Durnholz a Asten, passan per la Flaggerscharten­hütte – l sarà da jì 6,5 ëura y n deslivel de 1.100 metri. L vën pià via dala 6:30 da Sëlva de­mez cun la curiera, che fërma pona a S.Cristina dala 6:35 y Urtijëi dala 6:45. La iscrizions vën tëutes su dai 1. de juni nchin ai 4 de juni tres What­s­app: (Romana) 338 8988620, scrijan l inuem y post ulache n sënta su. Cost per scric ìte: €18,00; sot a 18 ani: €13,00; sot a 14 ani: debant.

Cursc
09.06.
Domisdé de Kneipp
Le Consëi de formaziun da San Martin mët a jí n domisdé de Kneipp cun Waltraud Auer, che á fat la »Sebastian Kneipp Akademie«. An s’incunta en mertesc ai 9 de jügn dales 14:00 ales 17:00, pro le percurs Kneipp dlungia la Ciasa de palsa a San Martin. Le curs é por todësch. Infos y iscri­ziuns anter i 5 de jügn pro Monica Trebo al 334 8228799.
16. y 23.06.
Imparé da fá n amigurumi
La Biblioteca da Calfosch inviëia a n curs olache an pó imparé da fá n amigurumi. An s’incunta i mertesc ai 16 y ai 23 de jügn dales 16:30, te biblioteca a Calfosch. Refe­rënta é Stefania Meneguzzo. An mëss savëi da lauré cun l’aodla da bëch. Da se tó para él l’aodla y n fi de bambesc.

Dotours
Dutor Gherdëina
L dutor de servisc dala 08.00 de n sada ai 06.06. nchin la 08:00 daduman de n lunesc ai 08.06. ie l dutor Valentin Trö­binger de Sëlva, tel. 0471 773073 o l 335 6844944.
Doturs Val Badia
Tla fin dl’edema di 6 y 7 de jügn él en sorvisc ti cin’ co­muns dla Val Badia la doturia Jasmine Gabrieli, La Ila, tel. 371 7515275.

Apoteches
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 05.06. nchin n vënderdi ai 12.06. ie chëla de Urtijëi, tel. 0471/796125 (orar de giaurida 9.00-12.00/15.00-19.00).
Apoteca Val Badia
L’apoteca en sorvisc fora dl orar ordinar, dal vëndres ai 5 de jügn dales 19:00 al vën­dres ai 12 de jügn ales 19:00, é chëra da San Martin/Picolin, tel. 0474 523020.

Sozial
Atualmënter
Family Support
L servisc Family Support pie­ta sustëni ala families jëu­nes. Tl prim ann de vita dl:a pop:a pòssen se damandé n aiut da pert dla ulenteres, che vën a cësa per n val­gun’ëura al’ena a fé vel’ stroz, cialé di mutons:ans o judé ula­che l ie debujën. L servisc ie debant y duc possa s’l dama­ndé. Per nfurmazions: gherdeina@family-support.it
Atualmënter
Lia de sustëni tl duel y crisa
Lia de sustëni tl duel y crisa ti juda ala persona nstëssa y la families te situazions de duel. L vën damandà na cuota anuela de 50 euro. Per nfur­mazions de sustëni pòssen tò su cuntat cun: Trauer- & Krisennetzwerk Südtirol VFG–info@trauernetzwerk-suedtirol.com, 379 1170488.
Atualmënter
Majon dal guant a Urtijëi
La Majon dal guant a Urtijëi (tl frabicat dla vedla Cësa de Paussa), tol ju y dà inant per na pitla dunfierta guant y ciauzei ma nce chëutres, ziehes da liet y cultrines tenii drët bën. Orars: merdi, 8:30–10:30, juebia, 14:00–16:00.
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani a se nuzé de chësc servisc che vën pità uni merdi dala 12:00 (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant da mesdì, cherdan su: per Urtijëi l 3207234396 (Vinzenz), per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).

Mostres y Ert
Atualmënter
Mostra »Bal di Culëures«
Tl Café Surëdl a Urtijëi iel metù ora chedri de Lara Kostner. L’esposizion va inant nchin ai 13 de juni.
Atualmënter
»31,1246667«
Tl Tublà da Nives te Sëlva iel metù ora na mostra coletiva dl’EPL–Ert por i Ladins dla Val Badia, sezion de ert figu­rativa, che sarà da udëi nchin ai 11 de juni. L titul ie tëut dala spersa de 31,1246667 m2 che uni artist:a à a despu­sizion.
Atualmënter
»Corpi Santi« & »Gli eredi della solitudine«
Tla galaria Doris Ghetta a Puntives iel metù ora la mostra »Corpi Santi« de Pietro Mo­retti y »Gli eredi della solitu­dine« de Alessandro Twombly, che sarà davierta nchin ai 12.09.

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
09.06.
Sport Ladin
Dales 20:50. Test y conzet Diego Clara, produziun Zak, a cura de Leo Senoner.
10.06.
L cuartet leterer – Frida Piazza
Dales 20:50 ca. Test y conzet Rut Bernardi, produziun Fu­sago, a cura de Alessandro Dapunt.
11.06.
Sasc cunta les Dolomites
Dales 20:50 ca. N pogram de Esther Videsott, a cura de Leo Senoner.

Mujiga
Atualmënter
Cianties populeres cun Willy Runggaldier
L KVW de Sëlva nvieia duc chëi che à legrëza a cianté n cumpanía ala ancuntedes cun Willy Runggaldier. N se an­conta mo doi iedesc, for dala 15:00: ai 6 de juni tl bar Okay ora Plan da Tieja y ai 18 de juni ta la utia Ciampac. La manifestazion ie debant y l ne ie nia de bujën de se lascé nuté su!
05.06.
San Martin – conzert dla Scora de Musiga
La Scora de Musiga Val Badia inviëia incö vëndres ai 5 de jügn dales 18:00 a n conzert d’aisciöda, tl salf dl Istitut Ladin a San Martin. Al cianta y sona scolares y scolars dla scora de musiga.
05.06.
Conzert por la pesc cun le »ChoryFeen«
Incö vëndres ai 5 de jügn dales 20:00 él tla dlijia da Gar­ga­zon n conzert por la pesc cun le cor de ëres »Chory­Feen«. Sot al motto »Canche les usc se unësc« vëgnel tla prö­ma pert porté dant toc corai. Dedô é düc inviá da cian­té adöm toc de Helge Burg­grabe dal ziclus »Hagios«. Les melodies scëmples y re­petitives é saurides da imparé y vá a cör. Ascuté y cianté deboriada unësc.
06.06.
AnterVoisis on air
En doman sabeda ai 6 de jügn dales 20:00 él tl Ragenhaus a Bornech n conzert dl cor »AnterVoisis« da Antermëia, sot al titul »AnterVoisis on air... turn up the radio!«.
07.06.
Cianté y soné sön munt tl’Alta Badia
Tl’Alta Badia vëgnel pité ince chësc ann la iniziativa »Cianté y soné sön munt«. En domënia ai 7 de jügn dales 13:30 inant él le grup de musicontri badioc »VolxBrass« che sona pro la ütia Ranch da André söi Pra de Armentara.

Chino
Atualmenter
Al chino de Pardac
Doman, sabeda ai 6 de jugn e domenia ai 7 da les 21:00 l é »Scary Movie 6«, sabeda ai 13 de jugn da les 21:00 l é »Disclosure Day«. Info: www.cinemapredazzo.it.
Atualmenter
Al chino de Tieser
Domenia ai 7 de jugn da les 17:00 l é »Masters of the Uni­verse« e da les 20:30 l é »Mi­cha­el«, sabeda 13 da les 21:00 vegn endò moscià »Masters of the Universe«. Info: www.cinematesero.com.

Temp Lede
06.06.
Sellaronda Bike Day
En doman sabeda ai 6 de jügn vëgnel tigní le Sellaronda Bike Day, olache i jus incër le Sela é dales 9:00 ales 16:00 stlüc al trafich motorisé y a desposi­ziun plëna de chi dales rodes. Al vëgn aconsié da fá la roda tl vers cuntra la ora. La mede­m­a iniziativa gnará ince pitada ai 12 de setëmber.
06.06.
AperiBike cun mujiga del vif
Sun Plaza Stetteneck a Urtijëi vëniel metú a jì l »AperiBike«, n ucajion dl Sellaronda Bike Day. Dala 16:00 inant puderàn se ancunté per s’la ciaculé pra n aperitif y de bela mujiga cun i »The Killbilly’s«.
07.06.
Festa dla roda
La Scola de Mountainbike Ur­tijëi nvieia de cuer a na fe­sta per duta la familia, n du­­­mënia ai 7 de juni dala 10:00 inant dan la Utia da Pal­mer.
11.06.
Batadù te Ncisles
La grupa KVW de Sëlva nvieia duc:duta si cumëmbri:es y simpatisanc:tes a n domesdì de batadù, ai 11 de juni dala 14:00 inant tla Utia de Ncisles. Per se nuté su: Rudolf Mus­sner, 335 638 0973.
11.06.
La Ila: domisdé cun jüc da mësa
Le pulmin di jüc dl »Spiele­verein Dinx« storj pro en jöbia ai 11 de jügn dales 15:30 ales 17:30 a La Ila. Te biblioteca pó pici y gragn passé n do­misdé cun na gran cerna de jüc da mësa. N espert dá consëis y spliga les regoles. Al é ince la poscibilité da s’impresté fora jüc.
12.06.
Hero Kids, la garejeda cun la roda per mutons
N vënderdi ai 12.06. dala 15.00 inant possa mutons y mu­tans danter 4 y 12 ani se museré te na garejeda nia cum­­petitiva sun n percurs tres l luech de Sëlva. Duc ie nviei a unì a ti cialé.

Sport
Atualmënter
Curs de sauté
I Gherdëina Runners mët a jì n curs cun l alenadëur Diego Soppelsa. L curs sun l ciamp dal sport Mulin da Coi, uni juebia dala 19:00 per dut l instà. Duc ie de cuer nviei, nce de tei che scumëncia permò.
06.06.
Sellaronda Bike Day
En sabeda ai 6 de jugn i jouves de la Dolomites vegn seré fora al trafich per lascèr passèr demò la rodes per la 20^ edizion de la Sellaronda Bike Day.
06.06.
Dolomites Saslong Half Maraton
La mesa maratona ntëur ala Grupa de Saslonch ruva a si otava edizion, che sarà n sada ai 6 de juni: l vën pià via sun Pana, ulache l sarà pona nce l travert.
06.06.
Di dla roda ntëur l Sela
N sada ai 6 de juni saràl inò a se l dé l Sellaronda Bike Day. N chësta ucajion unirà la stredes sun i jëufs ntëur al Sela śarede per l trafich dala 09:00–17:00, per ti lascé la lerch a chëi dala rodes. L vën pià via te Sëlva da Plaza Nives.
13.06.
HERO Südtirol Dolomites
La garejeda de rodes per prufesciunisć:tes y amatëures unirà a s’l dé nce chëst ann, n sada ai 13 de juni. L vën pià via dala 07:10 da plaza Nives te Sëlva demez.

Avisc
Atualmënter
Mpresté trohtes a Urtijëi
Dai 20 de mei inant pòssen uni mierculdi dala 20:00 – 21:30, mpresté ora trohtes pra la Lia Guant dala Gher­dëina de Urtijëi, tl self dla lies tla Cësa di Cungresc suaut.
Atualmënter
Picolin: portina por assistënza y cura
La Portina por l’assistënza y cura é daverta trëi iadi al’ede­ma: le lönesc dales 14:00 ales 16:00, le mercui y la jöbia dales 10:00 ales 12:00. Tel. 0474 586123 tratan chisc orars. La Portina é tl Raiun soziosanitar a Picolin, tl’alzada a tera sön la man ciampa. Al vëgn chiló tut sö dötes les chestiuns por ci che reverda le guern dles porsones.
Atualmënter
Iniziativa di ëi de Puster
L’ofize dla MIP–Männer­initiative Pustertal dëida i ëi y peri pro caji de separaziun y pîta aiüt te situaziuns de dif­icolté. L’ofize é tla str. Dan­te 2m a Bornech (Stern­hof) y é davert lönesc y mercui da­les 14:00 ales 19:00, le vën­dres dales 8:00 ales 12:00. Con­tac: 0474 555848, 340 1896431 o info@mip-puster tal.it
Uni mierculdi
Ciaculon online – per ladin
La Union di Ladins de Gher­dëina mët a jì »Ciaculon on­line« per chi che scumëncia y chi che ulëssa miuré si ladin: uni mierculdi dala 18:00 – 19:00. Duc possa fé pea, l basta nstalé l prugram »TEA­MS« sun l computer y jì ite sot a chësc link: https://url-shortener.me/GIBM
05.06.
L Archivie che no l é
Anché, vender ai 5 de jugn da les 17:30 te biblioteca de Père Frumenzio Ghetta de la Ma­jon di Fascegn, en cola­bora­zion con la Coprativa de Fascia e Radio Ladinia, l é »L Archi­vie che no l é – 130 egn de memo­ria cooperativa«, con inter­venc, esposizion de documenc e retrac storics, video-intervistes e labora tories.
10.06.
Senteda generela dl Schi Club Gherdëina
L Schi Club Gherdëina nvieia a si senteda generela cun pre­miazion di miëur atlec per si meric sportifs ntan l’ultima sajon – n mierculdi ai 10 de juni dala 20:00 tla gran sala de Chemun a S.Cristina.
13.06.
Piantar Piantins
La sociazion Festa ta Mont, con ASUC de Poza, ELEL Ceramiche e l vèrdabosch Michele Chiocchetti, endreza na giornèda per meter ju picoi piantins ló da Col dal Larsc te la Mont de Poza. Se se troa da les 8:30 ló dal Pont da le Chieve, da se tor do n leverin o n pich per fèr i bujes. Sco­men­zadiva averta a duc, i pi­coi cogn esser compagné.