La Usc di Ladins

Dotours
Dutor Gherdëina
L dutor de servisc dala 08:00 de n sada ai 11.07. nchin la 08:00 daduman de n lunesc ai 13.07. ie l dutor Valentin Tröbinger de Sëlva, tel. 0471 773073 o l 335 6844944.
Doturs Val Badia
Tla fin dl’edema di 11 y 12 de messé él en sorvisc ti co­muns de Mareo y San Martin la doturia Stefania Febbraro, Al Plan, tel. 377 3288595. Ti comuns de Badia, Corvara y La Val él en sorvisc le dotur Guido Caretta, Calfosch, tel. 0471 836870 o 337 616080.

Apoteches
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 10.07. nchin n vënderdi ai 17.07. ie chëla de Sëuc, tel. 0471/708970 (orar de giaurida lu-ve 8:30-12:30/15:00-19:00, sada 8.30/12.30. Turnus: 9:00-12:00).
Apoteca Val Badia
L’apoteca en sorvisc tla Val Badia, fora dl orar ordinar, dal vëndres ai 10 de messé dales 19:00 al vëndres ai 17 de messé ales 19:00, é chëra d’Al Plan, tel. 0474 501240.

Avisc
Atualmënter
Picolin: portina por assistënza y cura
La Portina por l’assistënza y cura é daverta trëi iadi al’ede­ma: le lönesc dales 14:00 ales 16:00, le mercui y la jöbia dales 10:00 ales 12:00. Tel. 0474 586123 tratan chisc orars. La Portina é tl Raiun soziosanitar a Picolin, tl’alzada a tera sön la man ciampa. Al vëgn chiló tut sö dötes les che­stiuns por ci che reverda le guern dles porsones.
Atualmënter
»Ëres dëida Ëres«
L’ofize a Bornech é da ciafé tla str. Paul von Sternbach nr. 6. Al é davert dal lönesc al vëndres dales 8:30 ales 11:30; mercui ince dales 15:00 ales 17:00. Fora de chësc orar, vëgnel tut sö termins sön pre­notaziun. Contac: 0474 410 303 o info@frauenhelfen frauenbruneck.it
Atualmënter
Iniziativa di ëi de Puster
L’ofize dla MIP–Männer­initiative Pustertal dëida i ëi y peri pro caji de separaziun y pîta aiüt te situaziuns de dificolté. L’ofize é tla str. Dan­te 2m a Bornech (Stern­hof) y é davert lönesc y mercui dales 14:00 ales 19:00, le vën­dres dales 8:00 ales 12:00. Con­­tac: 0474 555848, 340 1896431 o info@mip-puster tal.it
Uni mierculdi
Ciaculon online – per ladin
La Union di Ladins de Gherdëina mët a jì »Ciaculon online« per chi che scumëncia y chi che ulëssa miuré si ladin: uni mierculdi dala 18:00–19:00. Duc possa fé pea, l basta nstalé l prugram »TEA­MS« sun l computer y jì ite sot a chësc link: https://url-shortener.me/GIBM
Uni merdi
Marcià tradiziunel di paures y di artejans
Uni merdi, for dala 19:00 nchin la 22:00, saràl l marcià di paures y di artjenas tl zënter de Santa Cristina. Uni ena uniràl prejentà n mestier da artejan y l ne mancerà nia ntratenimënt de mujiga.
11/12.07.
Festa de Ciajeole
Sabeda 11 e domenia 12 de messèl i volontères del Grop de Ciajeole endreza la festa del cianton: aperitif, musega e da magnaèr e beiver da les 11:00 fin tèrt con i stonc di lurieres e èrc tradizionèi.
12.07.
Unità de scucors di cians de Gherdëina: Di dla porta davierta
L’Unità de scucors di cians de Gherdëina nvieia al di dla porta davierta, n dumënia ai 12 de lugio dala 11:00 – 18:00 tl pra de adestramënt tl raion ndustriel Mulin da Coi.
13.07.
Tradizions te Gherdëina
Sun Pitla Plaza S. Antone uniràl ziplà, turnà, fat zandli – dutes tradizions nravisedes te nosta valeda, che à mantenì si mpurtanza y se à adatà ai tëmps de al didancuei. La manifestazion ie dala 20:30 nchin ala 22:00.
15.07.
A Spas co la musega a Poza
Mercol ai 15 de messèl a Poza vegn endrezà ‘A Spas co la musega’: gropes de musega, folk e rock ju per Strada de Meida che vegn serèda fora al trafich de auti, con scomenz da les 21:15.
15.07.
Golasando a Soraga
Mercol 15 de messèl con sco­menz da les 18:30 te Pra del preve l Comitat manife­stazions de Soraga endreza Golosando: musega, magnères e stonc con èrc e mestieres tradizionèi.
16.07.
Festa del gnoch a Vich
Jebia ai 16 de messèl con sco­menz da les 19:30 la Musega de Vich endreza te Piaz Mas­sar la festa del gnoch: vegn cojinà gnoches de desvaliva sorts compagné da de bona musega.
16.07.
Tel Cher de Penìa
Jebia 16 de messèl con sco­menz da les 20:00 vegn en­dre­zà ‘Tel Cher de Penìa’, n per­cors gastronomich con de­gu­stazions de magnères ti­pics e entrategniment musi­cal.
17. y 24.07.
GAZZETTA TALKS – Stories de sport
Ntan l instà – for dala 18:00 sun Pra da Nives te Sëlva – puderàn ancunté n valgunes dla majera persunaliteies dl sport talian che cunterà de si suzesc, ndesfidedes y mumënc plu biei de si carieres. Ai 17 de lugio saràl prejënt Alessan­dro Costacurta y ai 24 de lugio Gianluca Zambrotta.

Chino
Atualmenter
Al Kino de Cianacei
Domenia 12 de messèl da les 21:00 l é »Toy Story 5«, jebia 16, vender 17 e domenia 19 da les 21:00 »Odissea«. Info @cinema teatromarmo lada canazei.
Atualmenter
Al chino de Pardac
Doman, sabeda 11 de messèl e domenia 12 da les 17:00 l é »Minions & Monsters«, dome­nia 12 da les 21:00 »Supergirl«, mercol 15 da les 17:00 l é »Minions & Monsters«, sabeda 18 e domenia 19 da les 21:00 »Odissea«. Info: www.cinema predazzo.it.
Atualmenter
Al chino de Tieser
Doman, sabeda 11 de messèl e domenia 12 da les 17:30 en 2D l é »Minions & Monsters« che vegn moscià ence sabeda 11 da les 21:15 en 3D, domenia 12 da les 21:15 l é »Disclosure day«, lunesc 13 da les 21:15 »I colori del tempo« al cost de 3,50 euro, mèrtesc 14 da les 21:15 »Supergirl«, mercol 15 da les 21:15 »Minions & Mon­sters«, jebia 16 da les 21:00 »Odissea«, vender 17 da les 17:30 »Toy Story 5« e da les 21:15 »Il diavolo veste Prada 2« al cost de 5 euro. Info: www.cinematesero.com.
13.07.
Film »Giro Giro Tondo«
En lönesc ai 13 de messé dales 21:00 vëgnel mostré tla Ciasa J. B. Rinna a San Ciascian le film »Giro Giro Tondo« de Paolo Vinati. Le film docu­mentar é tut sö tla Val Badia y mostra döta l’organisaziun che al é doía por mëte a jí na sajun da d’invern.

Mostres y Ert
Atualmënter
Mostra »Mumënc«
L Café Surëdl a Urtijëi nvieia de cuer ala mostra dal titul »Momente – momenti – mu­mënc«, che resterà davierta ntan l orar de giaurida (lu–vë, 09:00–19:00) nchin ai 11 de setëmber. Artisć:tes che mët ora: Sabine Brugger, Siegfried Stauder, Anneliese Hofer Heiss.
Atualmënter
missing glaciers – missing me
L Tublà da Nives nvieia de cuer ala mostra dla artista Wil-ma Kammerer, che re­sterà davierta nchin ai 26 de lugio.
Atualmënter
(Future) Paradise Gardens
A Urtijëi, ma nce ti autri doi luesc dla valeda, iel da udëi nchin ai 13 de setëmber la nstal­azions d’ert dla Bienela Gherdëina. Plu nfurmazions sot a www.biennalegherdeina.org
Atualmenter
Operes de Sieff a Soave e Lana
L artist da Ciampedel Mat­thias Sieff met fora sia scultu­res maestouses per dut istà tel zenter storich de Soave (VR), che con la mostra »Guar­­­diani della storia« do­venta n museo a ciel avert. Sieff met fora sia operes ence te la esposizion »Frauen/Donne« per endrez del Kultur­verein K.art che restarà fora ti vidores de Lana fin ai 8 de november.
Atualmenter
Mostra de ROTT a Vich
Fin ai 25 de messèl, da les 16:00 a les 19:00, se pel veder te tobià de Val, te strada de Val a Vich la mostra de operes d’èrt dal titol ‘Liëndes ladines dles Dolomites’ del artist ba­diot Lois Rottonara – ROTT.
Mierculdi y dumënia
Vijites menedes tres la Bienela
La vijites menedes tla rujeneda tudëscia, taliana y nglëija vën fates uni mierculdi y dumënia dala 10:00 nchin la 13:00. N se anconta dan l Info Point tl self Trenker a Urtijëi. Priesc: 10,00€ + ntreda. N possa se nuté su nchin la 18:00 dl di dant sun la plata dl Val Gar­dena Active.
09.07.
Jocalo mostra a Vich
Jebia ai 9 de messèl da les 15:00 aur te la scoles populères de Vich la mostra laboratorie scientifica ‘Jocalo’ de la Scola Ladina de Fascia. Oraries: fin ai 21 de aost, lunesc e mer­col da les 15:00 a les 19:00 e da les 20:00 a les 22:00; mèr­tesc, jebia, vender e sabeda da les 15:00 a les 19:00, do­menia serà.
10.07.
Mostra de Elisa Rungger
Tla ütia Piz Boé Alpine Loun­ge a Corvara él da odëi döt isté na mostra cun chedri de Elisa Rungger da Rina.
11.07.
Mostra de Claus Soraperra
En sabeda ai 11 de messèl da les 17:00 Mauro Defrancesco, diretor artistich de Ufofabrik, verc tel spazie espositif te strada de Gocialch 4 a Moena, la neva mostra dal titol ‘Ebur­nea – Geometries del acort’ del artist da Gries Claus Sora­perra. La mostra resta averta fin ai 26 de messèl.
16-29.07.
Mostra ‘Ad Jesum per Mariam’
Dai 16 ai 29 de messèl te gejia de Sènt’Ugèna, tel chèder di evenc de Ispirazions d’istà, se pel veder la mostra ‘Ad Je­sum per Mariam’ de Ro­sanna Pellicani che compagna la vijites con sia musega: dal lunesc al vender h. 10:00-12:30; 15:00-18:30, sabeda e domenia h 10:00-12:30.
17.07.
Mostra de Vespes
Sun Plaza Nives te Sëlva mët l Vespa Club Gherdëina a jì na mostra de vespes, n vën­derdi ai 17 de lugio dala 19:00 nchin la 22:00.
17.07.
Giaurida dla mostra: Mumënc tla Dolomites
La giaurida dla mostra de fotografies de Gabriel Demetz sarà n vënderdi ai 17 de lugio dala 18:00 tla biblioteca Tresl Gruber a S. Cristina. La mo­stra resterà da udëi nchin ai 31 de agost ntan i orars de giaurida dla biblioteca.
19.07.
Lauratuere per mutons:ans
La Bienela Gherdëina nvieia mutons:ans (dai 4-12 ani) cun families a chësc lauratuere criatif. L argumënt ie «fé, desfé y refé». N se anconta n dumënia ai 19 de lugio dala 10:30 dan l Info Point tl self Trenker a Urtijëi. N possa fé pea debant. Iscrizions sun la plata dl Val Gardena Active.

Sport
Atualmënter
Curs de sauté
I Gherdëina Runners mët a jì n curs cun l alenadëur Die­go Soppelsa. L curs sun l ciamp dal sport Mulin da Coi ie uni juebia dala 19:00 per dut l instà. Duc ie de cuer nviei, nce de tei che scumën­cia permò.
10.07.
Campions de sprint
I Gherdëina Runners nvieia de cuer mëndri y mëndres sot ai 14 ani a fé pea pra la garejeda de sprint n vënderdi ai 10 de lugio dala 17:00 sun Plaza S. Antone a Urtijëi. L sprint sarà de 30 metri y uniun puderà purvé plu iedesc. N possa fé pea debant.
11-12.07.
DoloMyths Run a Cianacei
Sabeda 11 e domenia 12 de messèl a Cianacei vegn endre­zà la 28^ edizion de la Dolo­Myths Run. Sabeda da les 7:00 ponta via la Dolo­Myths Run 12K Junior e la 42K Fassa Trail; domenia 12 da piaz de Cianacei ponta via i concorenc de la Skyrace che va fin sun Piz Boè, Sforcela de Pordoi e ju per la Val Lasties.
15.07.
Juech de amezizia Palermo FC vs. FC Gherdëina
La scuadra dl Palermo FC fej si alenamënc da d’instà a S. Cristina. Ai 15 de lugio dala 17:30 jugherài n juech de amezizia contra l FC Gher­dëina sun l ciamp de Mulin da Coi. Ntreda: 10,00€.
16-26-07.
L Genoa a Moena
Dai 16 ai 26 de messèl a So­raga e Moena rua la squadra de balon del Genoa vidèda dal Mister Daniele De Rossi. Arcedamenc e partides sul ciamp de balon Benatti de Moena, col sostegn de la Monti Pallidi.
18.07.
Juech de amezizia Palermo FC vs. FC Ingolstadt 04
La scuadra dl Palermo FC fej si alenamënc da d’instà a S. Cristina. Ai 18 de lugio dala 16:00 jugherài n juech de amezizia contra l FC Ingols­tadt 04 sun l ciamp de Mulin da Coi. Ntreda: 10,00€.

Iadi y Jites
20.-25.07.
Iscrizions: cun l’ e-bike sul »Marchkinkele« y ora per i ëures dl cunfin
La Lia da Mont mët a jì chësta jita n sada ai 1. de agost. La curiera pëia via da Plaza S. Antone dala 06:30. L ie na jita mesanmënter ria de za. 62 km, che se damanda tecni­ca y n pue’ de training sun la roda. N possa se nuté su tres »whatsapp« dai 20 nchin ai 25 de lugio al 338 3340111 (Theo). Per plu nfurmazions: Georg 335 7885710, Theo 338 3340111. Priesc: 18,00 € per scric ite, 13,00 € per scric ite sot ai 18 ani.
23.07.
Jita dal jëuf de Jaufen via per la cresta
La grupa Nëus jon pa bel plan mët a jì chësta jita n juebia ai 23 de lugio. L vën pià via da Sëlva demez (Hotel Oswald) dala 7:15 – la curiera fërma damprò ora a Santa Cristina (Bar 2000) dala 7:20 y a Urtijëi (Plaza Sant Antone) dala 7:30. L sarà da jì 4,5 ëura cun n deslivel de 450 metri su­­vier y juvier. N possa se nuté su dai 14.07. nchin ai 21.07. tres Whatsapp o SMS al numer 320 045 4724 (Hel­muth). Priesc per i scric ite 18,00 €.

Mujiga
Uni mierculdi
Trio di corni da mont »Ladinia«
L trio »Ladinia« sunerà si cor­ni da mont uni mierculdi da­la 16:30 nchin la 17:30 te Val. Dai 31 de lugio nchin ai 28 de agost sunerài nce de vënderdi, for dala medema ëura te Val.
11.07.
Abba Tribute show
L cunzert dla Abba cover band sarà n sada ai 11.07. dala 21:00 sun Plaza de Che­mun te Sëlva.
11-12.07.
Barcelona World’s Music Ensemble
Tel chèder del Festival Fassa Panorama Music sabeda 11 de messèl da les 18:00 te piaz Sotegrava a Moena e domenia 12 da les 11:30 ló dai refuges Baita Checco e La Zondra sun Ciampedie, sona l grop jazz Barcelona World’s Music Ensemble.
12.07.
Cianté y soné sön munt tl’Alta Badia
Tl’Alta Badia vëgnel pité ince chësc ann la iniziativa »Cianté y soné sön munt«. En domënia ai 12 de messé dales 13:30 inant sona tla ütia »Pralongiá« sura Corvara le grup »Contu­rines Echo«.
12.07.
»Musiga te paisc« a Badia
La Müjiga de Badia tëgn ince chësc ann l’iniziativa »Musiga te paisc«, olache ara se lascia aldí te plü posć dl paisc. En domënia ai 12 de messé, dales 18:00.
14.07.
Musega al Kino de Cianacei
Ai 14 de messèl da les 17:30, en colaborazion con l Comun General de Fa­scia, al Kino de Cianacei l é musega, aperi­tif e cultures en dialogh con l grop »Quattro­­­quarti«.
15.07.
Cunzert dla Mujiga de Villanders
La Mujiga de Villanders su­nerà ai 15 de lugio dala 21:00 inant tl zënter Iman a S. Cristina.
15.07.
Sëira tradiziunela: bai, mujiga y trohtes
Sun plaza de Chemun de Sëlva saràl ai 15 de lugio dala 21:00 inant na sëira tiroleja, cu­n bai, mujiga y trohtes tra­diziuneles.
16.07.
Cunzert dla Mujiga de Sëlva
La Mujiga de Sëlva sunerà ai 16 de lugio dala 21:00 inant sun plaza de Chemun te Sëlva.
16.07.
Cunzert dla Mujiga da Bula
La Mujiga da Bula sunerà n la sëira dl 16 de lugio dala 21:00 tl pavillon dan la dlieja da Bula. Duc ie nviei de cuer a unì a scuté su.
19.07.
Matinée – David Frank Ensemble
L David Frank Ensemble sunerà sun Pitla Plaza S. An­tone a Urtijëi, ai 19 de lugio dala 11:00 nchin la 12:30. L sarà n prugram rich che va da mujiga tradiziunela a mo­derna.

Segres y Festes
10.07.
Sëira dl vin a Santa Cristina
N vënderdi sëira ai 10 de lugio, dala 19:30 inant. Tl raion da jì a pe a S. Cristina, puderàn ciarcë de bon vins, se maië velch de bon y scuté su de bela mujiga. Na bela cumpëida de ciuleies dal vin de Südtirol piterà da ciarcë si vins de gran cualità.
18.–19.07.
Segra de Santa Cristina
Doi dis de festa tl Zënter Iman: n sada ai 18.07. scumën­cia la festa dala 18:00 inant. N dumënia ai 19 scumenceràn dala 09:30 cun la Santa Mëssa y la defileda. L ne mancerà sambën nia da maië y da bever per duc.

Sozial
Atualmënter
Family Support
L servisc Family Support pieta sustëni ala families jëunes. Tl prim ann de vita dl:a pop:a pòssen se damandé n aiut da pert dla ulenteres, che vën a cësa per n val­gun’ëura al’ena a fé vel’ stroz, cialé di mutons:ans o judé ulache l ie debujën. L servisc ie debant y duc possa s’l da­mandé. Per nfurmazions pòssen scrì a gherdeina@family-support.it
Atualmënter
Lia de sustëni tl duel y crisa
Lia de sustëni tl duel y crisa ti juda ala persona nstëssa y ala families te situazions de duel. L vën damandà na cuota anuela de 50 euro. Per nfur­mazions de sustëni pòssen tò su cuntat cun: Trauer- & Krisennetzwerk Südtirol VFG – info@trauernetzwerk-sued tirol.com, 379 1170488.
Atualmënter
Majon dal guant a Urtijëi
La Majon dal guant a Urtijëi (tl frabicat dla vedla Cësa de Paussa), tol ju y dà inant per na pitla dunfierta guant y ciau­zei ma nce chëutres, ziehes da liet y cultrines tenii drët bën. Orars: merdi, 8:30–10:30, juebia, 14:00–16:00.
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani a se nuzé de chësc servisc che vën pità uni merdi dala 12:00 (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant da mesdì, cherdan su: per Urtijëi l 3207234396 (Vinzenz), per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).
17.07.
Deberieda: jite sa la Utia Panorama
N se anconta n vënderdi ai 17 de lugio dala 14:00 dan la Cësa de Paussa. La grupa De­berieda ie na grupa cun ulen­teres, per se ancunté dan­ter persones che à problems psichics o de sozialisazion.

Temp Lede
Uni mierculdi
Sëires de juesc cun la lia Trix
Sun la plaza dan la biblioteca »Tresl Gruber« a S. Cristina mët la lia Trix a jì de plu sëires cun juesc da mëisa: uni mier­culdi dala 19:30 nchin la 21:30.
Uni mierculdi
Marcià de sëures y de tradizions
Uni mierculdi nchin ai 12 de agost saràl sun Plaza Nives de Sëlva, for dala 14:30 nchin la 19:00, n marcià de sëures y de tradizions, ulache n possa ti cialé, purvé o cumpré de bela cosses dl artejanat tradi­ziunel y maië velch de bon dl raion.
Uni merdi
Pastelné cun materiai naturei
Sun pitla plaza de Sant Antone a Urtijëi puderà i mëndri y la mëndres pastelné cun materiai naturei (puc, rames, pleces, ciofs, y n.i.): uni merdi dala 14:30 nchin la 18:00. Priesc: 15,00–20,00€. Duc ie nviei de cuer.
Uni lunesc
Kids Night – juesc y deverti­mënt per mutons y mutans
La Lia dl Turism de Sëlva nvieia a chësta manifesta­zion, che vën a s’l dé sun Pla­za Nives te Sëlva dala 20:30 inant uni lunesc nchin ai 24 de agost.
Uni juebia
»Flying Aperitivo«
La manifestazion unirà fata nchin tl scumenciamënt de setëmber, uni juebia, dala 18:00 nchin la 19.00 sun Pana. Ntan n viac sun l lift dai stuei da Pana de viers de Mont de Sëura y inò ju, pòssen se goder l bel udëi ora pra n aperitif. Da bur’ tëmp vën la manife­stazion spënta. L ie da se scrì ite nchin al di dant pra la Lia dl Turism de Santa Cristina o diretamënter pra l mplant dla Mont de Sëura.
Uni mierculdi
Marcià de prudoc dl luech
L pitl marcià de prudoc dl luech sun pitla plaza de Sant Antone a Urtijëi sarà inò da­viert uni mierculdi dala 15:00 nchin la 19:00.
Uni vënderdi
Aperitif a Urtijëi
Dala 18:00 nchin la 20:30, uniràl pità de bon aperitifs tla ustaries dl zënter de Urtijëi, for de vënderdi dai 3 de lugio inant (ora che ai 31.07., 21.08.). Sambën ne manceràl nia de bela mujiga.
12.07.
Sirio Talmon te piaz a Poza
Taca ite la rassegna ‘Ad alta voce’ de Virna Pierobon. Prum apuntament domenia ai 12 de messèl da les 21:15 te piaz de Comun de Poza con Sirio Talmon ‘L viac de na vita: Marmolèda, malatia e renasciuda’.
12.07.
Festa per Bepi Tasin
I Ciamorces de Fasha endreza en domenia ai 12 de messèl a Ciampedel na festa per Giuseppe Dellantonio Bepi Tasin, l menacrep più de età de la Tèlia con si 103 egn: h. 9:30 messa te gejia, h. 10:45 recognoscimenc de l’autoritè­des te piazal Pian de la teiles, h.11:00 Cor Valfassa e Schuh­plattler, mezmesdì.
12., 14. y 16.07.
Kidshour – devertimënt por mituns sö alalt
Pro le parch »Movimënt« sön Piz La Ila vëgnel metü a jí vigni domënia, mertesc y jö­bia jüc, animaziun y deverti­mënt por mituns da 5 a 10 agn, dales 13:30 inant. Preno­ta­­ziuns ti ofizi turistics dl’Alta Badia.
13.07.
Sonns tla natöra a Badia
En lönesc ai 13 de messé pón tó pert a na sesciun de terapia dl sonn cun le gong, sura la staziun a munt dl implant »La Crusc 1« a Badia. L’apunta­mënt mët man dales 11:00 y an pó se scrí ite ti ofizi turistics dl’Alta Badia o en chël de söle post.
13.07.
Iscrizions: Curs per fé balesć
L VKE Gherdëina mët a jì n curs per fé n balest per mutons y mutans dai 8 ai 12 ani. La iscrizions possa unì fates dai 13 de lugio inant tres l link https://tinyurl.com/4xnmvy mr. L priesc ie de 120€ per uni balest. La prima grupa fajerà l curs ai 18 de agost, la segonda grupa ai 19 de agost, for dala dala 14:00–18:00.
14.07.
La majera jufa dl mond
Ai 14 de lugio dala 21:00 inant uniràl fat la majera jufa dl mond sun Pra da Nives te Sëlva.
14. y 17.07.
Nos Ladins cun Alisa y Freddy
Tres l’iniziativa »Nos Ladins« pón descurí la vita y val’mistier dla jënt dla valada. En mertesc ai 14 de messé él na incuntada cun Alisa dl lüch Dolomites Farm a Calfosch y en vëndres ai 17 de messé cun le fotograf Freddy Planinschek a La Ila. Infos y prenotaziuns ti ofizi turistics dl’Alta Badia.
16.07.
I libres de Moena Incontri
Jebia ai 16 de messèl da les 17:30 te piaz Perle Alpine a Moena, tel chèder de la rasse­gna Moena Incontri, vegn prejentà l liber »Flora de Fa­scia« de l’Union di Ladins de Fascia con i autores Nives Iori, Alberto Chiocchetti e l espert Mario Gallarati.
16.07.
Giornalism catolich con Ispirazions a Pera
Jebia ai 16 de messèl te gejia de Pera h. 21:00 prum apunta­ment de la rassegna Ispirazions d’istà. Scontrèda con Marco Girardo, diretor de Avvenire e Diego Andreatta, diretor de Vita Trentina: ‘Giornalism catolich: stories de angern, endesfides de doman’. Vegn avert na mostra da veder fin ai 24 de messèl.
16.07.
La Val: devertimënt por mituns
En jöbia ai 16 de messé pó düc i mituns da 3 a 12 agn tó pert a n domisdé creatif cun Elena, pro la plaza dai jüc »Gnates« a La Val. L’ativité mët man dales 15:00 y an pó se scrí ite ti ofizi turistics dl’Alta Badia.
17.07.
Na sëra cun i stödafüch
I Stüdafüch da San Ciascian inviëia düc da gní a ti ciaré ales mascins y al magazin, en vëndres ai 17 de messé dales 21:00, pro süa sënta a San Ciascian.
25.07.
L podl – marcià per mutons – fat dai mutons
L VKE Gherdëina mët nce chëst ann a jì l marcià di pulesc per mutons y mutans fat da mutons y mutans, n sada ai 25 de lugio dala 14:30 nchin la 17:30 sun Plaza Rezia a Urtijëi.

Referac
10.07.
»Zënza limit« – cun Dominik Paris
Incö vëndres ai 10 de messé dales 21:00 él le campiun de schi Dominik Paris che tëgn n referat sön süa cariera spor­tiva, tla Ciasa dla Cultura a La Ila.