Ai eies più ascorc no sarà sciampà l nef sentin a Sènt’Uliana. L é na idea de na familia devota a la Sènta patrona de Fascia. Ajache chi per talian i era fenii su duc, la se à pissà de n far stampar de autres medemi e apede de n far far ence de chi per fascian. Sul tedant l é su la gejia de Sènt’Uiana e la fegura de la Sènta e sul tedò l’à stat fat scriver valch strofa de la poejia ‘O mia bela Sènt’Uliana’ de Pare Frumenzio Ghetta de Martin, vegnuda fora te ‘Rime Fassane’ te l’edizion del 1968 e dapò publicada sul liber ‘Mizacole de steile’ dat fora da l’Union di Ladins del 1987.
Chisc doi sentins é stac metui fora te gejia sun Ciaslir e duc pel se n tor. Segur na bela scomenzadiva da aprijiar che recorda nosc stimà Pare Frumenzio e auza fora ence l lengaz ladin. (MCI)
L sentin ence per fascian
Na familia devota da Vich à fat stampar ence la verscion con la poejia de Pare Frumenzio Ghetta.
Galaria retrac
View the embedded image gallery online at:
https://www.lausc.it/valedes-ladines/fascia/32953-l-sentin-ence-per-fascian#sigProId6d77cf1381
https://www.lausc.it/valedes-ladines/fascia/32953-l-sentin-ence-per-fascian#sigProId6d77cf1381




