La Usc di Ladins

Ai prums de jugn dl 1966 publicava Lois Trebo te "Nos Ladins" si prum articul ladin "I dis dles crusc te Mareo". Chest prum foliet ladin, crié y manajé da Salvester Erlacher da La Pli, é vegnù fora dal 1949 al 1972 ma à messù scluje per mancianza de finanziament da pert dla provinzia de Bulsan. Ma ciamò en chel ann à l’Union Generela di Ladins dla Dolomites metù su "La Usc di Ladins" con les medemes finalités che l foliet de Erlacher: unité di ladins, sconanza dl lingaz y dla cultura ladina; chisc é stés spo tresfora ence i gran temesc dl foliet, adum samben con la cronaca locala. Bele canche Lois Trebo fova ciamò student fova si motto: "Ala va demé da arjonje valch per i ladins sce an fej enstesc valch". Sciche colaboradour y redadour responsabel dal 1976 al 1985 àl nudrì La Usc con contribuc fin aldidancuei. Te chisc 60 agn de ativité jornalistica àl publiché sun l foliet ladin plu de mile articui, cie che vuel dì en media zirca n articul vigni does edemes. 

T’La Usc di Ladins di 13 de november podeise lieje na conscidrazion de Erwin Valentini