La Usc di Ladins

Dai 5 ai 8 de dezember se à dejout a Rimini la Winter Edition 2025 de Ginnastica in Festa, i Campionac nazionèi de ritmica. Cater giornèdes pienes, vivudes anter garejèdes, scontrèdes e momenc de condivijion che à metù al zenter la ginastica, te duta sia formes. Ti pavions de Rimini Fiera se à troà atlec, arcedadores, giudizes, sozietà, families e operadores del setor te n contest bon de conjobièr ativitèdes sportives, relazions e inclujion. A chesta manifestazion à tout pèrt la doi sozietèdes sportives de Fascia che fèsc ginastica ritmica: la Ssd Moena Ginnastica Fascia e Fiem e la Ritmica Fassa Project.
La Ssd Moena Ginnastica Fascia e Fiem à tout pèrt con 13 atletes e l’à arjont n beliscim resultat con la medaa de bron de Antonia Maria Moscalu tel livel LC2. 
Ence n grop engaissà de la Ritmica Fassa Project é jit ai Campionac nazionèi de ginastica ritmica de Rimini: ben 26 ginastes compagnèdes da la tecniches Sandra Bernadàs, Allison Downes e Martina Parrini. Per n muie de eles, soraldut la più joenes, vèlch una adertura del 2017, de ot egn tanche fac, chesta trasferta l’à raprejentà l prum vero confront con na paladina nazionèla

Se pel lejer dut su La Usc nr 49 dai 19 de dezember, che se pel troèr ence te la boteighes de sfoes. Sul sit se per fèr l abonament al e-paper per aer azes vigni vender a dut l sfoi sul fonin, tablet o computer.  (MCI)