La Usc di Ladins

Do 36 juesc àn finà via la prima pert dl campiunat cun 14 vëntes, de chëstes trëi permò do i 60 menuc, y cun 22 juesc perdui, nce iló cinch permò do i 60 menuc. Per chi che se lecorda coche la ova scumencià d’autonn, iel dessegur na pitla o nce gran delujion. Coche l diretëur tec­nich, Joel Brugnoli nes à fat al savëi, fòven do l mez de utober sbriscei ite te na crisa. »Do avëi scu­mencià scialdi bën ons pona perdù, sce ne me fale nia nuef juesc ndolauter. L ie stat na crisa che à nce purtà pro che on baratà l trainer. Cun Marcel Skokan ons per fertuna udù che la va inò mpue suvier. Nosc gran problem resta for inant i juesc ora de cësa. Bele l ann passà ne fans nia boni de vëncer ora de cësa. On purvà dla dutes, ma chësc trend ne se à mo nia mudà«, nscila Brugnoli.

Dut l articul pudëis liejer tla edizion nueva de La Usc, che vën ora n vënderdi ai 6 de fauré.