La Usc di Ladins

Coi ejames de matura Flora Tabanelli, medaa de bron a la Olimpiades Milan-Cortina 2026 tel schi freestyle, la sera su sie percors te la Scola Ladina e tel projet Ski & Ice College. Ge aon domanà fora de sia esperienza de studenta-atleta anter l Liceo artistich G. Soraperra, i portoes da schi de Fascia e stroz per l mond.

La Usc Flora, clas 2007, vegnuda dal Apenin apede Modena fin te Fascia canche t' aee 14 egn per tor pèrt al projet Ski & Ice college. Co éla jita? 
Flora Tabanelli Son vegnuda a viver te Fascia per ruèr a enterzèr a na vida percacenta scola e sport e é dezidù de me scriver ite al Liceo Artistich, perché me à semper sapù bel l’èrt. Ades che l é passà 5 egn, cogne dir che son dassen contenta de mie percors, te clas e ben segur ence su la neif.

Canche t'es ruèda te Fascia te jies coi schi, ma no te cognoscee amò l freeski. Te pec egn t'es stata bona de meter adum tecnica e cef per ruèr adertura sul podie olimpich. Co él stat possibol? 
Mie fra Miro, che l à scomenzà via a fèr freeski vèlch an inant che gé, l me contèa mingol de chel che l fajea, ma dant de ruèr chiò te Fascia jie demò coi schi te portoi. De fat, inant de tachèr la scola auta no aee mai proà l stel ledech e a sutèr. Endèna la mesènes aee tacà a fèr snowboard cross, ma chiò no l era l met de l fèr e é vedù l freestyle desche na oportunità de proèr n nef sport. Me à sapù sobito n muie bel. L é stat, coche se disc, 'Amor a pruma veièda'.

Podede lejer dut su La Usc stampèda dai 3 de messèl da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)


 (Thomas Zulian)