La Usc di Ladins

Ence 36 servidores fascegn é rué a Trent en domenia ai 16 de november, tel Dì de la Dedicazion de la Catedrala, per l Giubileo de duc i ministres de la Liturgia. 15 da Cianacei e Dèlba, 8 da Ciampedel e 13 da Pera, Poza e Vich con sie compagnadores, en dut 48, con na coriera e vèlch un ence con sie auto. A Trent se à troà ciantores, letores e salmisć, ministres straordenères de la Comunion, monesc e 340 servidores da dut l Trentin. L referent del grop de Fascia Mattia Valentini ne à contà che ic é jic ju jà da doman. »Te Arcivescovile i aea enjignà na bela lingia de ativitèdes da fèr sul Giubileo.«
Sul retrat a recort de la giornèda l era ence don Mattia Vanzo da Moena, referent de la Pastorala di Joegn che à endrezà duta l’atività.

Se pel lejer dut su La Usc nr 45 dai 21 de november, che se pel troèr ence te la boteighes de sfoes. Sul sit se per fèr l abonament al e-paper per aer azes vigni vender a dut l sfoi sul fonin, tablet o computer.


 (Monica Cigolla)