La Usc di Ladins

Co vëgn pa planifiché n sistem de inevamënt dles pistes dai schi, co vëgn pa frabicades les mascins y co funzionëieres pa? Ai 4 de novëmber é les classes 4. y 5. ITE dles Scores Altes La Ila jüdes a Balsan a vijité la Technoalpin, aziënda che stá danfora tl setur dl inevamënt programé.

Pornanche i studënc, les studëntes y les insegnantes é rová adalerch, ési gnüs tuc sö da Carmen Schweigkofler (Recruiter - Project Management People & Culture) che ti á splighé, adöm a n espert, sciöche n implant por l’inevamënt programé nasc. "Nosc travert é chël da cherié implanc efiziënc y respetusc dl ambiënt, por che les pistes dai schi pois ester arjignades ince denant ch’al vëgnes le pröma nëi naturala", ára dit. Tratan la vijita á i jogn y les jones podü odëi i gragn salfs de montaja, olache lauranc spezialisá mët adöm les perts mecaniches y eletroniches dles mascins. Ai á ince odü les novités tecnologiches, sciöche i sistems de control da dalunc.

Deplü podëise lí t’La Usc di Ladins di 21 de novëmber  (Scores Altes La Ila)