La Usc di Ladins

Cursc
Nuvëmber
Café dla rujenedes
Tla bibliotech S. Durich a Urtijëi iel ntan l mëns de nuvëmber: de merdi dala 9:30 l café dla rujenedes per franzëus cun Louise y dala 15:00 per spanuel cun Chiara; de mierculdi dala 9:30 per nglëisc cun Jennifer. N possa unì zënza se nuté su danora.

21.11.
Imparé da fá ciüfs de scaia
Le Museum Ladin mët a jí n curs cun Maria Erlacher y Hilda Tschaffert, ai 21 y 22 de novëmber. An impara da pastelné ciüfs y flus cun folies fines de scaia o banda, sciöche da vedla tradiziun. Cost: 15,00€ a ce (material lapró), min. 8 partezipantes. Prenotaziuns al 0474 524020 o prenotaziuns@museumladin.it

Mujiga
15.11.
Conzert di Pentagramma Winds
En sabeda ai 15 de november da les 21:00 al Palafiem de Ciavaleis l é l conzert di Pentagramma Winds, a 10 egn da la pruma ejibizion, con la partezipazion de Marco Braito pruma tromba de l’or-chestra nazionèla de la Rai.

28.11.
Conzert de Re Laurin
En vender ai 28 de november da les 21:00 al teater Navalge la Musega de Moena endreza, ensema a la Musega Auta Fascia, l conzert de Re Laurin, coi maestres Roberto Silvagni e Fabio Riz.

16.11.
Cunzert de giubileo dla Mujiga de Sëlva
Per festejé si 100 ani mët la Mujiga de Sëlva a jì n Cunzert de giubileo tla Palestra Pranives de Sëlva, chësta dumënia ai 16.11. dala 17:00. Duc y dutes ie de cuer nviei.

16.11.
Omaja ala ëra – cianté, teater y reflesciuns
La Consulta Ladina dl Comun de Bulsan inviëia en domënia ai 16 de novëmber dales 17:00, tl Teater Comunal de Gries a Balsan. Le cor dles ëres »ChoryFeen« de Gargazon sot ala direziun artistica de Erika Castlunger, y les leturies Anna Mazzel y Isabella Ties, presentëia na sëra plurilinguala ti lingac ladin, todësch y talian. Le proiet é na omaja ala ëra y descrí les staziuns de süa vita.

Chino y Films
Atualmenter
Al chino de Cianacei
Insnet, vender ai 14 de november da les 20:30 l é l docufilm »Patagonia 1976« su la spedizion de Ciamorces e menacrepes fascegn. En sabeda ai 15 da les 17:00 docufilm »Talis Mater« ambientà sal Vera, domenia ai 16 da les 17:00 l é l film »Grand Prix«, lunesc ai 17 da les 19:00 per la rassegna »Eco dalle Valli«, stories de vita sa mont, col sostegn del Comun de Sèn Jan, l é »Vermiglio«, mercol ai 19 da les 20:30 l spetacol de teater »L’Opzione«.

Atualmenter
Al chino de Tieser
Anché, vender ai 14 de november e sabeda ai 15 da les 21:00 l é l film »The running man«, sabeda ai 15 da les 17:30 l é »La vita va così«, domenia ai 16 da les 21:00 l é l spetacol de teater de la filodramatica de Mezlombart »I mantenuti«, mèrtesc ai 18 da les 20:30 l é l spetacol de la compagnia de teater ‘L’officina Culturale’ de Torin »Giù la vita«, en jebia ai 20 da les 21:00 l é l film »Le città di pianura«.

Atualmënter
Literachino
Ntan l mëns de nuvëmber, for de vënderdi dala 20:00, vëniel mustrà de biei films tla bilblioteca de San Durich a Urtijëi. L prugram plu avisa ie da abiné te biblioteca.

15.11.
Balto: chino per mutons
I mutons y la mutans dla scola elementera ie nviei duman, 15.11. dala 16:30 tla sala de Chemun a S. Cristina per n domesdì de chino. L Vke lascerà udëi l film »Balto« tla rujeneda tudëscia.

21.11.
»L ie mo n duman«
L film tla rujeneda taliana »C’è ancora domani« de Paola Cortellesi vën mustrà ai 21.11. dala 20:00 tla Gran sala de Chemun a S. Cristina. La ntreda ie debant. L se trata de na scumenciadiva per l di nternaziunel contra la viulënza de viers dl’ëiles.

Referac
18.11
Te posses turcené: cunsëies per la prima papes per i popsc
L’autëura Maria Lobis tën n referat y prejënta si liber n cont dla prima papes per i popsc tla biblioteca »San Durich« a Urtijëi: n merdi ai 18.11 dala 10 danmesdì.

Avisc
14.11.
Patagonia 1976
I Ciamorces de Fascia e l Comun General de Fascia porta dant en vender ai 14 de november da les 20:30 al Chino Marmolèda de Cianacei l docufilm dal titol »Patagonia 1976«, 50 egn do la spedizion fascèna, con video e testimo-nianzes.

15.11.
Premiazion premie ‘De Cia Bellati Canal’
En sabeda ai 15 de november da les 14:30 te Istitut Cultural Ladin vegn fat la premiazion del premie ‘Caterina De Cia Bellati Canal’ endrezà da la Majon di Fascegn en colaborazion con i Istituc Cesa de Jan, Micurà de Rü e Université Lëdia de Balsan.

15.11.
Talis Mater al chino de Cianacei
En sabeda ai 15 de november da les 17:00 al chino Marmolada de Cianacei vegn moscià l film de Marco Rossitti e de la Majon di Fascegn ‘Talis Mater’, se pel ite debant.

18.11.
Edema de sensibilisaziun sura l’adoziun
Por l’edema de sensibilisaziun sura l’adoziun, organisëia l’assoziaziun »Amici Dei Bambini« en mertesc ai 18 de novëmber dales 16:00 a La Val (plaza de scora) n domisdé por mituns, olache al gnará fat n flashmob y dedô gnarál pastelné. Mituns, geniturs y düc i interessá al tema dl’adoziun é dër bel inviá da tó pert.

Atualmenter
Biblioterapia a Cianacei
Te Biblioteca de Cianacei n percors de biblioterapia umanistica vidà da Elisabetta Vanzetta per rejonèr de identità, acort, mudamenc, ensomesc, dejideries e encontres. L é amò doi scontrèdes de 90 menuc da les 17:30 de lunesc: ai 17 e ai 24 de november. Prenotazion per mail a biblioteca@comune.canazei.tn.it. o WhatsApp al 0462 602382.

Atualmenter
Corsc de bal a cobies
L Comun de Sèn Jan con la sociazion Des Etoiles endreza n cors de bal a cobies per gregn, per sozialisèr e se tegnir en forma: bai da sala, ‘liscio’ e bai standard vigni jebia fin ai 11 de dezember te palestra de la populères de Vich da les 20:00 a les 21:00. Cost 80 euro, enscinuazions a Des Etoiles, 347 2463577.

Atualmenter
Oraries CRM e CRZ Pera
Dai 3 de november l CRM de Pera l é avert per la desgorta del refudam de cèsa e consentì de lunesc, mercol e vender da les 13:30 a les 17:25 e de mèrtesc, jebia e sabeda da les 8:00 a les 11:55. La utenzes convenzionèdes col Comun General per l CRZ pel ite demò su prenotazion col formulèr. Info al 0462 764500, ambiente@cgf.tn.it e su www.fassambiente.it

Atualmënter
Sostëgn bunorí por families – »Frühe Hilfen« a Picolin
Le sorvisc ti pita ales families, ales umes y ai peri le sostëgn de n grup multiprofescional tratan la gravidanza y do la nasciüda, por prevení che certes situaziuns pois gní massa problematiches. La proscima consulënza te Raiun soziasanitar a Picolin é en vëndres ai 5 de dezëmber dales 8:45 ales 11:30. An pó ince tó n termin al 333 6203945; le numer é atif dal lönesc ala jöbia dales 8:00–12:00 y dales 13:30 -16:00

Atualmënter
Picolin: portina por assistënza y cura
La Portina por l’assistënza y cura é daverta trëi iadi al’edema: le lönesc dales 14:00 ales 16:00, le mercui y la jöbia dales 10:00 ales 12:00. Tel. 0474 586123 tratan chisc orars. La Portina é tl Raiun soziosanitar a Picolin, tl’alzada a tera sön la man ciampa. Al vëgn chiló tut sö dötes les chestiuns por ci che reverda le guern dles porsones.

Atualmënter
»Ëres dëida Ëres«
L’ofize a Bornech é da ciafé tla str. Paul von Sternbach nr. 6. Al é davert dal lönesc al vëndres dales 8:30 ales 11:30, le mercui ince dales 15:00 ales 17:00. info@frauenhelfenfrauenbruneck.it

Atualmënter
Iniziativa di ëi de Puster
L’ofize dla MIP–Männerini-tiative Pustertal dëida i ëi y peri pro caji de separaziun y pîta aiüt te situaziuns de dificolté. L’ofize é tl Paternsteig nr. 1 a Bornech y é davert lönesc y mercui dales 14:00 ales 19:00, le vëndres dales 8:00 ales 12:00. Contac: 0474 555848, 340 1896431 o info@mip-pustertal.it

28.11.
Radunanza del Istitut Cultural Ladin
En vender ai 28 de november da les 17:00 te sala Heilmann del Museo Ladin la Majon di Fascegn chiama ite la radunanza generèla tel cedean di 50 egn da sia fondazion.

Dotor y Apoteca
Dutor Gherdëina
L dutor de servisc da n sada ai 15.11. dala 08:00 daduman nchin la 08:00 daduman de n lunesc ai 17.11. ie l dutor Michael Trocker de Urtijëi, streda Promeneda, tel. 388 2580002.

Doturs Val Badia
Tla fin dl’edema di 15 y 16 de novëmber él en sorvisc tla Val Badia la doturia Stefania Febbraro, Al Plan, tel. 377 3288595.

Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 14.11. nchin n vënderdi ai 21.11 ie chëla de Sëuc, tel. 0471/708970 (lu-ve 8.30-12.30/15.00-19.00, sada 8.30/12.30. Turnus: 9.00-12.00).

Apoteca Val Badia
L’apoteca en sorvisc fora dl orar ordinar, dal vëndres ai 14 de novëmber dales 19:00 al vëndres ai 21 de novëmber ales 19:00, é chëra da La Ila, tel. 0471 847152.

Temp Lede
16.11.
40 ani biblioteca de Sëlva
N dumënia danmesdì ai 16 de nuvëmber festejea la biblioteca de Sëlva »Oswald von Wolkenstein« si 40 ani. La festa scumëncia dala 10:30 tla biblioteca.

23.11.
Turnoi de batadù
N dumënia ai 23.11. dala 14:00 inant tla cësa dla lies de Runcadic, mët la grupa 50+ de Runcadic a jì n turnoi de batadù. N possa se nuté su da Mathilde 335 5924739 o Helene 366 5955049

Segres y Festes
16.11.
50 agn Uniun Musighes Val Badia
Les musighes dla Val Badia inviëia ala festa di 50 agn dl’Uniun Musighes Val Badia, ai 16 de novëmber tla hala dl tennis a Corvara. Dales 9:30 defilada dles musighes; dales 10:00 él la santa mëssa sonada da dötes les musighes; dales 11:00 salüc dles autorités. Dedô deplü conzerc. Al vëgn pité da mangé y da bëre.

Sozial
Atualmenter
Portel de scout mediazion familia
L Comun General de Fascia con ALFID Onlus à avert n portel de scout, orientament e mediazion familiara per la relazions te cèsa. L é avert a duc e debant a Sèn Jan te Strada di Pré de Lejia 12 su apuntament tras l secretariat ALFID (0461 235008 – 375 8366271) duc i dis con orarie 8:30-12:30 e 14:00-18:00 o teras mail a sportellocgf.alfid@gmail.com.

21.11.
Cianté cun Heidi
La grupa Deberieda mët a jì n domesdì, ntan chël che l unirà ciantà cun Heidi. N se anconta ai 21 de nuvëmber dala 14:00 dan la Cësa de Paussa a Urtijëi. »Deberieda« ie na grupa che mët a jì ancuntedes danter ulenteres y persones che à problems psichics o de sozialisazion.

22.11.
Marcé dl barat a La Val
En sabeda ai 22 de novëmber dales 9:00 ales 17:00 él te salf dles manifestaziuns da La Val n marcé dl barat, olache an pó vëne o baraté guant y cialzá por pici y gragn, jüc, libri, jüc por computer o console, atrezadöres por mituns. Deplü infos por mëte a desposiziun patüc, venüda y le ciafé zoruch ciafon pro Kathrin al 349 3507357. Organisaziun: Cooperativa Pares.

Atualmënter
»Club Boé«
Le grup de autoaiüt »Club Boé« por problems de alcol o d’atres dependënzes s’incunta vigni mertesc dales 20:00, tla Ciasa di Stüdafüch a La Ila altaite. Les porsones de referimënt é Hubert (tel. 339 1698343) y Methilde (tel. 335 6977604).

Atualmënter
Bancarela dl mangé a Badia
La bancarela dl mangé é daverta vigni secunda jöbia, dales 9:30 ales 10:30. Le proscim termin é ai 20 de novëmber. Al vëgn dé fora da mangé a dötes les porsones dla Val Badia che á debojëgn.

Atualmënter
Ciamena dal guant a La Ila
La Ciamena dal guant por mituns »Neores« a La Ila é daverta vigni vëndres dales 14:00 ales 15:30, te local sura i stödafüch a La Ila Alta.

Televijion
18.11.
S-link  -  joegn e digitel, na neva prospetiva
Dales 20:50 ca. N program de Cinzia Pistoia,  a cura de Alessandro Dapunt. 

19.11.
Trail spezial
Dales 20:50 ca., a cura dla redaziun ladina.

20.11.
Deboriada
Dales 20:50 ca. Test y regia Ivan Senoner, produziun  Pennpro, a cura de Leo Senoner.
Informaziuns plü menüdes sön i programs de RAI Ladinia pón ciafé sön www.raibz.rai.it.

Teater
02.11.
»I scioldi é tla banca«
La Uniun Teater La Pli inviëia bel al teater da rí »I scioldi é tla banca«, metü tl ladin da Franz Rigo. Ultimes rapre­sentaziuns ai 14 y 15.11. dales 20:00, te ciasa dles uniuns. Prenotaziuns al 338 9316650 o ince Whatsapp (dales 17:00 ales 22:00).

Sport
23.–30.11.
ITF Women’s Val Gardena Südtirol
Dai 23.11 nchin ai 30.11 mët l ASV Tennis Club Urtijëi a jì tl Zënter dal Tennis a Runcadic l turnoi dl’ëiles »ITF Woman Val Gardena Südtirol« da 40.000 $.

Mostres y Ert
Atualmënter
“Audide, audide…”
L Tublà da Nives nvieia ala mostra dl Portal Ladin y dla cianties ladines, metuda a a jì n culaurazion cun la Union di Ladins de Gherdëina. Orares de giaurida: 15.00–18.00. De lunesc iel stlut. La mostra ie mo davierta nchin ai 29 de nuvëmber.

Atualmënter
»Ie, ie n auter«
Tla galaria Vijion a Puntives iel metù ora na mostra coletiva cun fotografies che artisć à fat de sé nstësc. La mostra resterà da udëi nchin ai 22 de nuvëmber, dal lunesc nchin la sada dala 16:00–19:00)