La Usc di Ladins

Posses'a te prejenté n curt, prëibel.
Son Ben Linder, é 21 ani y sté a Urtijëi via n Sureghes. Mi pere à inuem Pepi y mi mami Birgit; é nce n fra plu vedl, Tim. É fat la ITE Raetia sezion amini-strazion, finanza y marketing.

Cie fejes'a de lëur?
Da doi ani incà lëuri tla Lia dl Turism de Urtijëi. Do la matura ne savovi perdrët nia avisa cie che ësse ulù fé, pona se àl pità chësta stiera y śën sons scialdi cuntënt che é abù chësta puscibltà, l me sà drët bel y nteressant. Tl prim dajovi plucheauter nfurmazions ai turisć che univa te ufize, śën judi nce pea tla cuntabltà, chël che é mparà a scola y me cruzie dla burocrazia per chël che à da nfé cun i doi lifc de Palmer y Furdenan. Chisc lifc ie da mé ora scialdi mpurtanc per nosc luech nia mé per la scoles dai schi ma nce per i mutons da tlo, che à nscila l mesun de mparé dan si porta a jì cun i schi.

De plu tla edizion stampeda de La Usc di Ladins o sun l e-paper a paiament www.lausc.it/e-paper