La Usc di Ladins

L Consei del Comun General de Fascia l é stat chiamà ite ai 13 de november en videoconferenza e chesta modalità, l à dit l Procurador Edoardo Felicetti, é stata cernuda per poder aer la maoranza perveduda per l’aproazion di mudamenc al Statut. »Sion peé via con chisc mudamenc – l à deschiarì – per poder ge dar valch delega ai conseieres, descheche vegn fat ti Comuns ma che l CGF no podea far. Volessane spartir fora de più le enciarie, per tor int i conseieres e percheche i argomenc da ge star do i é semper tenc e aver valgugn che pol ne dar na man l é semper de utol.«
I mudamenc é stac descorec te la Comiscion Istituzionèla olache l é stat lurà polito e l Procurador Felicetti à domanà che i posse vegnir aproé sobito dal Consei per poder jir inant en prescia e i fèr aproèr dal Consei Provinzièl tel protocol de la finanziaria.
Do mingol de discuscion i mudamenc al statut é stac aproé con 20 stimes a una, 5 astegnui e una de contra.

Se pel lejer dut su La Usc nr 45 dai 21 de november, che se pel troèr ence te la boteighes de sfoes. Sul sit se per fèr l abonament al e-paper per aer azes vigni vender a dut l sfoi sul fonin, tablet o computer.


 (Lucia Gross)