La Usc di Ladins

En vender ai 19 de dezember con gran sodesfazion pea via i viajes del nef impiant 3S: jà da doman bonora l é pervedù la benediscion de don Mario Bravin. N gran orgolie per la SITC e n investiment strategich per l davegnir de duta la val. Descheche l é stat del 1985 con la storica forenadoa, ence aldidanché l obietif l é ge sporjer ai turisć na infrastrutura a l’auteza del contest de la Dolomites, bona de conjobièr inovazion, comfort e respet per l ambient.
L nef impiant 3S, aldidanché l più modern impiant te la Tèlia, con 18 cabines da 30 posć, consent de portèr 2.200 persones a l’ora a do a do: sentai sciudé, lumes rencurèdes, monitor informatives e na veduda da encant sun la Dolomites. Ence la stazions é states pissèdes per miorèr sia funzion e smendèr l impat sul paesaje respet a la veia forenadoa. Te la stazion a Ciampedel l é la casses, la scola de schi, n depojit e na boteiga de fit de schi.

Se pel lejer dut su La Usc nr 49 dai 19 de dezember, che se pel troèr ence te la boteighes de sfoes. Sul sit se per fèr l abonament al e-paper per aer azes vigni vender a dut l sfoi sul fonin, tablet o computer.



 (Monica Cigolla)