La Usc di Ladins

Tel chèder de la Setemèna del Azet, che chest an se à conzentrà sul tem »Segurezes: viver la comunanza«, en mèrtesc ai 29 de setember l é stat endrezà na sera de reflescion sul tem de la segureza personèla ló da La Gran Ciasa a Soraga. I reladores de la scontrèda, Federico Comini e Elvis Partel, i à metù dant na lingia de dac, nazionèi e provinzièi, che moscia coche la violenza de jender e la violenza te cèsa l é n problem prioritèr per noscia sozietà.

Vegnarà endrezà n percors de defendura personèla, out a omegn e femenes che à più che 16 egn. L cors sarà de 11 scontrèdes, 8 con Elvis Partel e 3 con Pederico Comini, e les tacarà ite en vender ai 23 de otober da les 20:00 a les 21:30 ló da la Gran Ciasa a Soraga. L cors é debant. Per informazions e iscrizions se oujer al Servije sozio-assistenzièl al nr de telefon 0462/764297.

De plu tla edizion stampeda de La Usc di Ladins o sun l e-paper a paiament www.lausc.it/e-paper.

 (CT)