La Usc di Ladins

Nce sce inier iel stat n tëmp mpue ncomper, ne se à l atlet dla Svizra, Marco Odermatt de 28 ani, nia lascé purté demez da si travert dla vënta. Y propi nscila iela stata. L se à plazà sun l prim scialier dl podest y arjont nscila la cumpëida de bën 50 vëntes de Copa dl Mond. L se mët nscila a pèr cun l gran Alberto Tomba.
Sun l segondo scialier dl podest ie ruvà l colegh de scuadra de Odermatt, Franjo van Allmen, l atlet de 24 ani. Terzo ie ruvà l matador local, Dominik Paris. Per Paris se tràtel dl cuarto podest sun la Saslonch.

Y la ne n'ie pa giut mo nia fineda: ncuei vàla bele riesc inò inant cun l Super-G, start 11.45. A udëi chi che à ncuei l plu sgors.

JL