La Usc di Ladins

Rapresentaziun dla storia da Nadé a La Val
Sön paiun da La Val vëgnel rapresenté ai 19 de novëmber la storia da Nadé
Incö vëndres ai 19 de de­zëmber dales 19:00 vëgnel rapresenté la Nöt Santa de Betlehem, sön paiun dan Comun a La Val. Jobleri da La Val, pici y gragn, porta dant la storia dla Nöt Santa, adöm ales me­lodies dl Nadé, por ti jí insciö adincuntra ala festa tan sintida. 
Deplü uniuns dl paisc á cola­boré al bel proiet y se conforta da ves dé le bëgn­gnü ala rapre­sentaziun. 
Düc é bel inviá.

Conzert da Nadé cun le »Quadriga Consort«
Badiamusica inviëia a conzert, en

• 
•  

View the embedded image gallery online at:
https://www.lausc.it/manifestazions-y-evenc/30952-manifestazions-atuales-speziales#sigProId3e6a69953c

mertesc ai 30 de dezëmber dales 20:00, te gran salf a La Val
»Darkness Falling« é le ti­tul dl conzert da Nadé che Badiamusica mët ai jí ai 30 de dezëmber. Al sará da aldí le »Quadriga Consort« cun Sophie Eder (usc), Angelika Huemer (fabló, viola da gamba), Karin Sill­dorff (fabló), Dominik Teu­fel (viola da gamba), Philipp Comploi (basse de violon), Tobias Stein­berger (percu­sciun) y Nikolaus Newerkla (direziun, cem­balo, vibran­doneon, aranja­mënc y com­posiziun). 
Le grup portará dant musiga dales isoles bri­taniches.

SunRisa en ocajiun dles gares de Copa dl monn
En ocajiun dl lönesc de Copa dl monn de schi tl’Alta Badia, pón pié ia cun i schi bele dales 7:15 y se gode n bun gosté tles üties
Le lönesc ai 22 de dezëmber vëgnel organisé la manifestaziun SunRisa y an pó pié ia cun i schi bele da doman adora, por se gode le lové dl sorëdl y ester danter i pröms sön pista. Te chësta ocajiun pón ince storje pro tles cin’ üties Piz Arlara, I Tablá, Bioch, Las Vegas y Club Moritzino por n bun gosté cun produc sagns, aconsiá sciöche gosté ideal dala esperta de nodrimënt Elena Casiraghi. I implanc portamunt de Col Alt, Costes dal’Ega, Arlara y Piz Sorega sará daverc dales 7:15 inant y chi de coliamënt danterite dales 7:30 inant. I ofizi skipass de Corvara y San Ciascian deura dales 7:10 y dai paisc de Badia, La Ila y Calfosch vëgnel metü a jí dales 6:45 ales 7:45 n sorvisc de transfer por podëi pié ia. 
Do goste él la poscibilité da jí a ti ciaré ala gara de slalom de Copa dl monn sön la pista Gran Risa, cun la pröma manche che mët man dales 10:00. Deplü informaziuns sot a www.altabadia.org.

»NOËL« – Cunzert d’Avënt
L Tublà da Nives nvieia al cunzert d’Avënt cun l Sabina Willeit y Giorgio Fasciolo, n dumënia ai 21 de dezëmber dala 20:00 tl Tublà da Nives te Sëlva
Sabina Willeit (sopran) y Giorgio Fasciolo (tlavier) prejënta n prugram de mujiga da Nadel che va dal tëmp romantich, cun cianties de Hugo Wolf, Max Reger, Charles Gounod y d’autri nchin a cumposidëures dl Mpre­scionism, coche Maurice Ravel y Claude Debussy.
Ntreda: 10 €, per cumëmbri: 8 €.

»Crëidum, pesimé, forma«
La galaria Vijion nvieia ala giaurida dla mostra coletiva n sada,20 de dezëmber dala 18:00
Te n mond for plu senià da na seculari­sazion vën la religions plu y plu sbur­dledes sun na pert. La mostra »crëi­dum, pesimé, forma« uel cialé coche ie l raport danter ert y religion al di­dancuei. Scebën che la dlieja catolica ie stata per centeneies chëla che à dat l plu da lëur ai artisć, se à ultima­mën­ter for plu y plu spartì ert y religion.
Artisć che mët ora: Thomas Sterna, Alexander Wierer, Tom Marseiler, Anton Christian, Mirijam Heiler, Flavio Senoner, Hermann Nitsch, Hubert Kostner, Thaddäus Salcher y Martina Stuflesser. La mostra resta davierta nchin ai 22 24 de jené, lunesc–sada dala 16:00 nchin ala 19:00.Publichedes ai 12 de dezember 2025.