La Usc di Ladins

Teresa Palfrader, Silvia Liotto y Nicola Dal Falco á lit dant poesies fora dla racoiüda nöia cun le titul »Trëi poec trëi«, en mertesc sëra ai 23 de setëmber tl Museum Ladin Ciastel de Tor. A abelí la parora scrita s’á injunté les ilustraziuns dl’artista Barbara Tavella cun le titul »Chiló n’é nia ailó«, gnüdes metüdes fora por l’ocajiun tla stüa da zacan dl ciastel. Chiló á Carlo Suani acompagné la presentaziun dla publicaziun nöia cun n intervënt dediché ala protagonista dla serada: la poesia.

L’idea por na racoiüda de poesies che portass adöm les trëi usc de chëstes scrituries y dl scritur é spizorada tratan n’escurjiun fata deboriada te Fanes. Ai ê a öna da se mëte adöm por porté ala löm na publicaziun nöia. »Y ince sce i trëi auturs se desfaran­ziëia un dal ater, él le realism chël che i porta adöm.Al nasc da n interes particolar devers dla vita da vigni de y al descëda la morvëia«, é stades les parores de Carlo Suani.


Liede deplü tla ediziun nöia da incö, vëndres le 3 d'otober!