La Usc di Ladins

Ai 13 d’agost á l’Ice Club Alta Badia organisé n spetacul söla dlacia, dal titul "The Sound of Freedom". Tla cornisc dla manifestaziun él gnü lizité pesć particolars: produc fac a man tl Zënter Sozial "La Spona", sciöche ince n cheder dla fujina "Akzent": intrames é strotöres dla Comunité Comprensoriala Val de Puster che acompagnëia porsones cun dejabilité.
La soma gnüda ite dala lizita, 1.524,50€, i é gnüda jüda spo ales döes strotöres. La surandada dla spënora é garatada ai 18 de setëmber t’La Spona a Pidrô, tres le presidënt dl Ice Club Christof Irsara y le diretur dla Cassa dl Sparagn da La Ila Massimo Nicosia.